കെപിസിസി ഭാരവാഹികൾക്ക് ചുമതല നിശ്ചയിച്ചു; വർക്കിംഗ് പ്രസിഡൻ്റുമാർക്ക് മേഖലതിരിച്ചുള്ള ചുമതല

കെപിസിസി ഭാരവാഹികൾക്ക് ചുമതല നിശ്ചയിച്ചു. വർക്കിംഗ് പ്രസിഡൻ്റുമാർക്ക് മേഖലതിരിച്ചുള്ള ചുമതലയാണ് നൽകിയിരിക്കുന്നത്. പി.സി വിഷ്ണുനാഥിന് ദക്ഷിണ മേഖലയുടെയും എ.പി അനിൽകുമാറിന് മധ്യമേഖലയുടെയും ചുമതല. ഷാഫി പറമ്പിലിനാണ് ഉത്തരമേഖലയുടെ ചുമതല. നെയ്യാറ്റിൻകര സനലിന് സംഘടനാ ചുമതല നൽകാനും തീരുമാനമായി.

അഡ്വ. സണ്ണി ജോസഫ് എംഎൽഎയെ പുതിയ കെപിസിസി പ്രസിഡന്റായി കോൺഗ്രസ് ഹൈക്കമാൻഡ് പ്രഖ്യാപിച്ചപ്പോൾ തന്നെ. പി.സി വിഷ്ണുനാഥ് എംഎൽഎ, എ.പി അനിൽകുമാർ എംഎൽഎ, ഷാഫി പറമ്പിൽ എംപി എന്നിവരെ വർക്കിങ് പ്രസിഡന്റുമാരായി തീരുമാനിച്ചിരുന്നു. എന്നാൽ ചുമതലകൾ നിശ്ചയിച്ചു നൽകിയിരുന്നില്ല. സ്ഥാനമൊഴിഞ്ഞ കെപിസിസി പ്രസിഡന്റ് കെ. സുധാകരനെ കോൺഗ്രസ് പ്രവർത്തകസമിതിയിലെ സ്ഥിരം ക്ഷണിതാവായി തിരഞ്ഞെടുത്തിരുന്നു.