കെ.വി തോമസിനെ പുറത്താക്കൽ; തീരുമാനത്തിന് എ.ഐ.സി.സി അംഗീകാരം നൽകിയെന്ന് കെ.സി വേണുഗോപാൽ

ഡൽഹി: കെ.വി തോമസിനെ പുറത്താനുള്ള കെ.പി.സി.സി തീരുമാനത്തിന് ദേശീയ നേതൃത്വം അംഗീകാരം നൽകിയിരുന്നുവെന്ന് എ.ഐ.സി.സി ജനറൽ സെക്രട്ടറി കെ.സി വേണുഗോപാൽ. നടപടി എടുക്കുന്നതിന് മുമ്പ് കെ.പി.സി.സി എഐ.സി.സിയുമായി ബന്ധപ്പെട്ടിരുന്നു. എഐ.സി.സിയുടെ അനുമതിയോടെയാണ് നടപടിയെടുത്തതതെന്നും അദ്ദേഹം പറഞ്ഞു.

' കെ.വി തോമസ് തുടർച്ചയായി അച്ചടക്കം ലംഘിച്ചു.തെരഞ്ഞെടുപ്പിൽ പാർട്ടി സ്ഥാനാർഥിയെ തോൽപ്പിക്കാൻ ശ്രമിച്ചാൽ വേറെ ഒരു മാർഗവുമില്ല. കോൺഗ്രസുകാരനാണെന്ന് പറഞ്ഞ് എൽ.ഡി.എഫിന്റെ പരിപാടിക്ക് പോയാൽ പിന്നെ വേറെന്താണ് ചെയ്യുകയെന്നും കോൺഗ്രസുകാരനാണെന്ന് പറഞ്ഞുകൊണ്ടിരിക്കുന്നതിൽ കാര്യമില്ലെന്നും അദ്ദേഹം മീഡിയവണിനോട് പറഞ്ഞു.