സർട്ടിഫിക്കറ്റ് വിട്ടുകിട്ടി; ആരതിയെ പി.എസ്.സി അഭിമുഖത്തിന് വിളിച്ചു

പാലക്കാട്: നഴ്‌സിങ് സ്‌കൂളിൽ നൽകിയ സർട്ടിഫിക്കറ്റ് വിട്ടുകിട്ടാത്തതിനെ തുടർന്ന് പി.എസ്.സി അഭിമുഖത്തിൽ പങ്കെടുക്കാൻ കഴിയാതിരുന്ന അട്ടപ്പാടിയിലെ ആദിവാസി യുവതിയായ ആരതിയുടെ സർട്ടിഫിക്കറ്റ് വിട്ടുകിട്ടി. ഫീസ് അടക്കാൻ കഴിയാതിരുന്നതിനെ തുടർന്നാണ് ആരതിയുടെ സർട്ടിഫിക്കറ്റ് വിട്ടുനൽകാതിരുന്നത്.

മീഡിയവൺ വാർത്തയെ തുടർന്നാണ് സർട്ടിഫിക്കറ്റ് വിട്ടുനൽകാൻ പാലക്കാട് നഴ്‌സിങ് കോളജ് അധികൃതർ തയ്യാറായത്. സർട്ടിഫിക്കറ്റ് വിട്ടുകിട്ടിയ കാര്യം അറിയിച്ചതിനെ തുടർന്നാണ് പി.എസ്.സി ആരതിയെ പ്രത്യേകമായി അഭിമുഖത്തിന് വിളിച്ചത്.