ബസിൽ വിദ്യാർത്ഥിനിക്ക് നേരെ അതിക്രമം; കെഎസ്ആർടിസി കണ്ടക്ടറെ പൊലീസ് അറസ്റ്റ് ചെയ്തു
കെഎസ്ആർടിസി കണ്ടക്ടർ ടി.പ്രദീപിനെയാണ് പൊലീസ് അറസ്റ്റ് ചെയ്തത്
പാലക്കാട് കെഎസ്ആർടിസി ബസിൽ വിദ്യാർഥിനിക്ക് നേരെ കണ്ടക്ടറുടെ അതിക്രമം. പെൺകുട്ടിയോട് അശ്ലീല ചുവയോടെ സംസാരിക്കുകയും ശരീരത്തിൽ സ്പർശിക്കാൻ ശ്രമിക്കുകയും ചെയ്ത കെഎസ്ആർടിസി കണ്ടക്ടർ ടി.പ്രദീപിനെ പൊലീസ് അറസ്റ്റ് ചെയ്തു. വെള്ളിയാഴ്ച രാത്രിയാണ് സംഭവം. പാലക്കാട് നിന്ന് ഗുരുവായൂരിലേക്ക് പോവുകയായിരുന്ന വിദ്യാർത്ഥിനിക്ക് നേരെയാണ് കണ്ടക്ടറുടെ ഭാഗത്തു നിന്ന് അതിക്രമം ഉണ്ടായത്.
ഈസ്റ്റ് ഒറ്റപ്പാലം എത്തിയപ്പോഴാണ് സംഭവം. കണ്ടക്ടർ മോശമായി പെരുമാറിയതോടെ പെൺകുട്ടി പൊലീസിൽ വിവരം അറിയിക്കുകയായിരുന്നു. പൊലീസ് എത്തി ഇയാളെ കസ്റ്റഡിയിൽ എടുത്തു. കോയമ്പത്തൂരിൽ നിന്ന് ഗുരുവായൂരിലേക്ക് പോവുന്ന കെഎസ്ആർടിസി ബസിലാണ് സംഭവം.
Next Story
Adjust Story Font
16