നിയമസഭയിലേക്ക് മത്സരസന്നദ്ധത അറിയിച്ചെന്ന വാർത്ത തള്ളി- ഷാഫി പറമ്പിൽ

ന്യുഡൽഹി: നിയമസഭയിലേക്ക് മത്സരിക്കാൻ താൻ സന്നദ്ധത അറിയിച്ചെന്ന വാർത്ത തള്ളി ഷാഫി പറമ്പിൽ എം.പി. പ്രചരിക്കുന്നത് ഊഹാപോഹങ്ങളാണ്. മത്സരിക്കണമെന്ന് തന്നോട് പാർട്ടി ഇതുവരെ പറഞ്ഞിട്ടില്ല. വടകരയിൽ മത്സരിച്ച് ജയിച്ച തനിക്ക് അവിടത്തെ ഉത്തരവാദിത്തങ്ങൾ നിറവേറ്റാനുണ്ടെന്നും ഷാഫി പറമ്പിൽ പറഞ്ഞു.

കേരളത്തിലെ എല്ലാ എംപിമാരും മത്സരിക്കാൻ തയ്യാറായി നിൽക്കുകയാണെന്ന് ഊഹാപോഹം പ്രചരിപ്പിക്കുകയാണ്. അനിവാര്യമായ സ്ഥാനാർഥി പട്ടിക കേരളത്തിൽ ഉണ്ടാവും. ഇവരെ മാറ്റാൻ ജനങ്ങളുണ്ടാവും. പാർട്ടിയാണ് തീരുമാനങ്ങളെടുക്കേണ്ടത്. ഫോട്ടോ വച്ച് ഊഹാപോഹം പ്രചരിപ്പിക്കുന്നത് അവസാനിപ്പിക്കണം.