ശിവഗിരി തീർഥാടനത്തിന് ഇന്ന് തുടക്കം; തീർഥാടന സമ്മേളനം ഉപരാഷ്ട്രപതി ഉദ്ഘാടനം ചെയ്യും

തിരുവനന്തപുരം: 93-മത് ശിവ​ഗിരി തീർത്ഥാടനത്തിന് ഇന്ന് തുടക്കമാകും. രാവിലെ 7.30ന് ശ്രീനാരായണ ധർമ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ ധർമ്മപതാക ഉയർത്തി. തീർത്ഥാടന സമ്മേളനം രാവിലെ പത്ത് മണിക്ക് ഉപരാഷ്ട്രപതി സി.പി രാധാകൃഷ്ണൻ ഉദ്ഘാടനം ചെയ്യും. ​

ഗവർണർ രാജേന്ദ്ര അർലേക്കർ, കേന്ദ്രമന്ത്രി സുരേഷ് ​ഗോപി, മന്ത്രി എം.ബി രാജേഷ് തുടങ്ങിയ പ്രമുഖർ ചടങ്ങിൽ പങ്കെടുക്കും. ഗുരുവിന്റെ അഷ്ടസ​ന്ദേശങ്ങളിൽ അധിഷ്ഠിതമായി 14 സമ്മേളനങ്ങൾ നടക്കും. ​

ഗുരു ശിഷ്യൻ സ്വാമി ബോധാനന്ദയുടെ അഭിഷേക ശതാബ്ദി, ​ഗുരു- മഹാത്മജി സമാ​ഗമ ശതാബ്ദി സമാപനം, സ്വാമി സത്യവ്രത സമാധി ശതാബ്ദി, ​ഗുരു- സ്വാമി ശ്രദ്ധാനന്ദ സമാ​ഗമ ശതാബ്ദി എന്നിവയുടെ നിറവിലാണ് ഇത്തവണത്തെ തീർത്ഥാടനം. മുഖ്യമന്ത്രി പിണറായി വിജയൻ നാളെ പരിപാടിയിൽ പങ്കെടുക്കും. ജനുവരി ഒന്നിന് നടക്കുന്ന സമാപന സമ്മേളനം മന്ത്രി സജി ചെറിയാൻ ഉദ്ഘാടനം ചെയ്യും.