പോക്സോ കേസിൽ അറസ്റ്റിലായ കായികാധ്യാപകന് സസ്‌പെൻഷൻ
വിദ്യാര്‍ഥിനികള്‍ നേരിട്ട് പൊലീസ് സ്റ്റേഷനിലെത്തിയാണ് അധ്യാപകനെതിരെ പരാതി നല്‍കിയത്
വയനാട്: പോക്സോ കേസിൽ വയനാട്ടിൽ അറസ്റ്റിലായ കായികാധ്യാപകനെ പൊതു വിദ്യാഭ്യാസ വകുപ്പ് സസ്‌പെൻഡ് ചെയ്തു. പുത്തൂർവയൽ സ്വദേശി ജോണിയെയാണ് സസ്‌പെൻഡ് ചെയ്തത്.
പൊലീസ് കേസ് രജിസ്റ്റർ ചെയ്തതിന് പിന്നാലെ സംഭവം അന്വേഷിച്ച് അധ്യാപകനെതിരെ നടപടി സ്വീകരിക്കാൻ മന്ത്രി വി.ശിവൻകുട്ടി നിർദ്ദേശം നൽകിയിരുന്നു. ഇതിന്റെ അടിസ്ഥാനത്തിൽ വയനാട് വിദ്യാഭ്യാസ ഉപഡയറക്ടറുടെ പൂർണ്ണ ചുമതലയുള്ള രജിത കെ.സിയാണ് അന്വേഷണം നടത്തി സസ്‌പെൻഷൻ ഉത്തരവ് പുറപ്പെടുവിച്ചത്.മേപ്പാടിയിലെ സ്കൂളിലെ അഞ്ചുവിദ്യാര്‍ഥികളാണ് അധ്യാപകന്‍ പീഡിപ്പിച്ചെന്ന പരാതിയുമായി നേരിട്ട് പൊലീസ് സ്റ്റേഷനിലെത്തിയത്. ഇതിന്റെ അടിസ്ഥാനത്തില്‍ പൊലീസ് ഇയാളെ കസ്റ്റഡിയിലെടുത്തിരുന്നു. കോഴിക്കോട് കസബ പൊലീസ് സ്റ്റേഷനിലും ജോണിക്കെതിരെ പോക്സോ കേസ് നിലവിലുണ്ടെന്നാണ് പൊലീസ് പറയുന്നത്. കായികാധ്യാപകൻ ഇപ്പോൾ റിമാന്റിലാണ്.
Next Story
Adjust Story Font
16
