കൊല്ലത്ത് തെരുവുനായ ആക്രമണം; ഏഴ് പേർക്ക് കടിയേറ്റു

കൊല്ലം: കൊല്ലം അഞ്ചലിൽ ഏഴ് പേർക്ക് തെരുവുനായുടെ കടിയേറ്റു. നായക്ക് പേവിഷബാധ ഉണ്ടെന്ന് നാട്ടുകാർ പറഞ്ഞു. അഞ്ചൽ കാളചന്ത, ചന്തമുക്ക് എന്നിവിടങ്ങളിൽ നിന്നവർക്കാണ് കടിയേറ്റത്. നായയെ നാട്ടുകാർ തല്ലിക്കൊന്നു. ഇന്ന് രാവിലെ 8 മണിയോടെ ആണ് തെരുവ് നായ ആക്രമണം.

അതിനിടെ മാവേലിക്കരയിൽ കെഎസ്ഇബി ഓഫീസിൽ തെരുവുനായ ആക്രമണമുണ്ടായി. ജീവനക്കാരന് കടിയേറ്റു . രക്ഷപ്പെടുന്നതിനിടെ ജീവനക്കാരിക്ക് വീണ് പരിക്കേറ്റു.