ഭാരത് പെട്രോളിയത്തിലെ തൊഴിലാളി യൂണിയനുകളുടെ പണിമുടക്ക് ഹൈക്കോടതി തടഞ്ഞു

ഭാരത് പെട്രോളിയത്തിലെ തൊഴിലാളി യൂണിയനുകളുടെ ദേശീയ പണിമുടക്ക് ഹൈക്കോടതി തടഞ്ഞു. 28, 29 തിയതികളിൽ നടക്കുന്ന പണിമുടക്കിനെതിരെ ബി.പി.സി.എൽ നൽകിയ ഹരജിയിലാണ് ഉത്തരവ്.

ഐ.എൻ.ടി.യു.സി, സി.ഐ.ടി.യു എന്നിവ ഉൾപ്പെടെ അഞ്ച് തൊഴിലാളി യൂണിയനുകളുടെ പണിമുടക്കിനാണ് വിലക്ക്. അവശ്യ മേഖലകളിലെ ഇന്ധന വിതരണം ദേശീയ പണിമുടക്കിന്‍റെ ഭാഗമായി തടസപ്പെടുമെന്ന് ഭാരത് പെട്രോളിയം കോർപ്പറേഷൻ ലിമിറ്റഡ് ഹൈക്കോടതി അറിയിച്ചു.