വയനാട്ടിൽ കാട്ടാന ആക്രമണത്തിൽ ഒരാൾ കൊല്ലപ്പെട്ടു

വയനാട്: വയനാട്ടിൽ കാട്ടാന ആക്രമണത്തിൽ ഒരു മരണം. മേപ്പാടി എരുമക്കൊല്ലി പൂളക്കുന്ന് കോളനിയിൽ അറുമുഖൻ ആണ് മരിച്ചത്. ഇന്ന് രാത്രി 9.30ഓടെയായിരുന്നു സംഭവം. ജോലി കഴിഞ്ഞ് വീട്ടിലേക്ക് മടങ്ങുന്നതിനിടെയാണ് തേയിലത്തോട്ടത്തിൽ വച്ച് അറുമുഖനെ കാട്ടാന ആക്രമിച്ചത്. വനംവകുപ്പ് സ്ഥലത്തെത്തി. തമിഴ്നാട് സ്വദേശിയാണ് അറുമുഖൻ. കഴിഞ്ഞ 15 വര്‍ഷമായി വയനാട്ടിലാണ് താമസിക്കുന്നത്. അതേസമയം നാട്ടുകാര്‍ പ്രതിഷേധവുമായി രംഗത്തെത്തിയിട്ടുണ്ട്.