പോക്കറ്റ് കീറില്ല, ലുക്കും മാറും; വാച്ച് പ്രേമികൾക്കിതാ ബഡ്ജറ്റിൽ ഒതുങ്ങുന്ന അഞ്ച് വാച്ചുകൾ

ഒരുങ്ങിയിറങ്ങുമ്പോൾ കൈയിലൊരു നല്ല വാച്ച് കൂടി കെട്ടുന്നത് ഒരു ഭം​ഗിതന്നെയാണല്ലേ. എന്നാൽ കാണാൻ ഭം​ഗിയുള്ളതും എന്നാൽ ബഡ്ജറ്റ് ഫ്രണ്ട്ലിയും ആയിട്ടൊരു വാച്ച് കിട്ടാൻ അത്ര എളുപ്പമല്ല താനും. ഇനി കുറഞ്ഞ വിലയിൽ ഒരു വാച്ച് വാങ്ങാമെന്ന് വെച്ചാൽ അതെത്ര കാലം ഈടുനിൽക്കും എന്നത് മറ്റൊരു പ്രശ്നമാണ്. പലപ്പോഴും കുറഞ്ഞ വിലയുള്ള വാച്ചുകൾ പെട്ടെന്ന് കേടാകുമെന്ന ധാരണ നമ്മളിൽ ഭൂരിഭാഗം പേർക്കുമുണ്ട്. എന്നാൽ വലിയ തുക മുടക്കാതെ തന്നെ, വർഷങ്ങളോളം കേടുപാടുകൾ കൂടാതെ ഉപയോഗിക്കാൻ കഴിയുന്ന ചില മികച്ച വാച്ചുകൾ വിപണിയിലുണ്ട്. 3000 രൂപ ബഡ്ജറ്റിൽ ഒതുങ്ങുന്നതും ദീർഘകാലം വിശ്വസിച്ച് ഉപയോഗിക്കാൻ കഴിയുന്നതുമായ അഞ്ച് പ്രമുഖ വാച്ചുകൾ ഏതൊക്കെയാണെന്ന് നോക്കാം:

1. കാസിയോ വിന്റേജ് ഡിജിറ്റൽ വാച്ച് (Casio Vintage Digital Watch)

എൺപതുകളിലെയും തൊണ്ണൂറുകളിലെയും ഫാഷൻ ഓർമിപ്പിക്കുന്ന ഈ കാസിയോ വാച്ച് ഇന്നും ട്രെൻഡിങ്ങാണ്. ഇതിന്റെ സ്റ്റെയിൻലെസ് സ്റ്റീൽ സ്ട്രാപ്പും ഡിജിറ്റൽ ഡിസ്‌പ്ലേയും ഏത് വസ്ത്രത്തിനൊപ്പവും ഒരുപോലെ ഇണങ്ങും. വളരെ കുറഞ്ഞ വിലയിൽ കാലത്തെ വെല്ലുന്ന ഈടുനിൽപ്പാണ് കാസിയോയുടെ ഈ വിന്റേജ് മോഡൽ നൽകുന്നത്.

2. ടൈമെക്സ് ക്ലാസിക് അനലോഗ് (Timex Classic Analog)

ലളിതവും എന്നാൽ എലഗന്റ് ലുക്കും ആഗ്രഹിക്കുന്നവർക്ക് ടൈമെക്സ് ക്ലാസിക് തിരഞ്ഞെടുക്കാം. ഇതിന്റെ ലതർ സ്ട്രാപ്പും വൃത്തിയുള്ള ഡയൽ ഡിസൈനും ഓഫീസുകളിൽ ഉപയോഗിക്കാൻ ഏറ്റവും അനുയോജ്യമാണ്. കാലമെത്ര കഴിഞ്ഞാലും ഇതിന്റെ ഡിസൈൻ ഔട്ട് ഓഫ് ഫാഷൻ ആകില്ല.

3. ഫാസ്‌ട്രാക്ക് റിഫ്ലെക്സ് ബീറ്റ്സ് (Fastrack Reflex Beats)

കുറഞ്ഞ വിലയിൽ ഒരു സ്മാർട്ട് ഫീച്ചറുള്ള വാച്ച് വേണമെന്നുള്ളവർക്ക് ഫാസ്‌ട്രാക്കിന്റെ ഈ മോഡൽ മികച്ചതാണ്. ഹാർട്ട് റേറ്റ് മോണിറ്റർ, സ്ലീപ്പ് ട്രാക്കർ തുടങ്ങിയ അത്യാവശ്യം ഫീച്ചറുകൾ ഇതിലുണ്ട്. യുവാക്കൾക്ക് ദിവസേന ഉപയോഗിക്കാൻ പറ്റിയ ഒരു അടിപൊളി സ്പോർട്ടി ലുക്കാണിതിന്.

4. സോനാറ്റ മാക്സ് ലെതർ വാച്ച് (Sonata Max Leather Watch)

3000 രൂപയ്ക്കുള്ളിൽ പ്രീമിയം ലതർ ഫിനിഷിങ് നൽകുന്ന ജനപ്രിയ മോഡലാണിത്. കറുപ്പോ തവിട്ടോ നിറത്തിലുള്ള ഇതിന്റെ ലതർ സ്ട്രാപ്പുകൾ വളരെ ദൃഢതയുള്ളതാണ്. ദിവസേനയുള്ള കഠിനമായ ഉപയോഗത്തിന് ഈ വാച്ച് മികച്ചൊരു ഓപ്ഷനാണ്.

5. ടൈറ്റൻ നിയോ അനലോഗ് (Titan Neo Analog)

വിശ്വസിച്ചു വാങ്ങാൻ കഴിയുന്ന ടൈറ്റന്റെ ഈ ബഡ്ജറ്റ് മോഡൽ മെറ്റൽ സ്ട്രാപ്പോടെയാണ് വരുന്നത്. ഫോർമൽ ബ്ലേസറുകൾക്കൊപ്പവും കാഷ്വൽ ഷർട്ടുകൾക്കൊപ്പവും ഒരുപോലെ അണിയാമെന്നത് ഇതിന്റെ പ്രത്യേകതയാണ്. ക്വാളിറ്റിയുടെ കാര്യത്തിൽ യാതൊരു വിട്ടുവീഴ്ചയും ഇല്ലാത്തതിനാൽ ഈടുനിൽപ്പോർത്ത് ടെൻഷനടിക്കേണ്ട.

കുറഞ്ഞ വിലയിൽ വാച്ചുകൾ തിരഞ്ഞെടുക്കുമ്പോൾ ബ്രാൻഡുകളുടെ വാറന്റിയുള്ള മോഡലുകൾ നോക്കി വാങ്ങാൻ ശ്രദ്ധിക്കുക. ഇത് നിങ്ങളുടെ പണം നഷ്ടപ്പെടുത്താതെ ദീർഘകാലം സ്റ്റൈലിഷായി ഇരിക്കാൻ സഹായിക്കും.