വെളുക്കാന്‍ മോദി പ്രതിദിനം കഴിക്കുന്നത് 80000 രൂപയുടെ അഞ്ച് കൂണുകളെന്ന് അല്‍പേഷ്
വെളുക്കാന്‍ മോദി പ്രതിദിനം കഴിക്കുന്നത് 80000 രൂപയുടെ അഞ്ച് കൂണുകളെന്ന് അല്‍പേഷ്
പഴയ ഫോട്ടോകളിലെ മോദി തന്നെപ്പോലെ കറുത്ത നിറക്കാരനാണ്. കൂണ്‍ കഴിക്കല്‍ ശീലമാക്കിയതോടെയാണ് നിറം മാറിയതെന്ന് കോണ്‍ഗ്രസ് നേതാവ് അല്‍പേഷ് താക്കൂര്‍
ഗുജറാത്ത് തെരഞ്ഞെടുപ്പ് പ്രചരണത്തിനിടെ ബിജെപി - കോണ്‍ഗ്രസ് നേതാക്കള്‍ ആരോപണ - പ്രത്യാരോപണങ്ങള്‍ തുടരുകയാണ്. ഏറ്റവും ഒടുവില്‍ കോണ്‍ഗ്രസ് നേതാവ് അല്‍പേഷ് താക്കൂറാണ് അത്തരമൊരു പരാമര്‍ശവുമായി രംഗത്തെത്തിയിരിക്കുന്നത്.
തൊലി വെളുക്കാനും സൌന്ദര്യത്തിനും മോദി പ്രതിദിനം വിലകൂടിയ അഞ്ച് കൂണുകളാണ് കഴിക്കുന്നതെന്നാണ് അല്‍പേഷിന്‍റെ ആരോപണം. കൂണൊന്നിന് 80000 രൂപയാണ് വില. തായ്‍വാനില്‍ നിന്നാണ് ഈ കൂണുകള്‍ ഇറക്കുമതി ചെയ്യുന്നതെന്നും അല്‍പേഷ് പറഞ്ഞു. ഗുജറാത്തിലെ വഡ്ഗാവില്‍ പൊതുസമ്മേളനത്തില്‍ പ്രസംഗിക്കുകയായിരുന്നു അദ്ദേഹം.
ഗുജറാത്ത് മുഖ്യമന്ത്രിയായ ഘട്ടത്തിലാണ് കൂണ്‍ കഴിക്കല്‍ മോദി ശീലമാക്കിയതെന്നാണ് തനിക്ക് ലഭിച്ച വിവരം. മോദിയുടെ ഭക്ഷണക്രമം നിങ്ങള്‍ക്ക് പിന്തുടരാനാവില്ല. കാരണം അത് പാവങ്ങളുടെ ഭക്ഷണശീലമല്ല. പഴയ ഫോട്ടോകളിലെ മോദി തന്നെപ്പോലെ കറുത്ത നിറക്കാരനാണ്. കൂണ്‍ കഴിക്കല്‍ ശീലമാക്കിയതോടെയാണ് നിറം മാറിയതെന്നും അല്‍പേഷ് പറഞ്ഞു.
Adjust Story Font
16
