കോവിഡ് രോഗിയെ ബലാത്സംഗം ചെയ്ത് കൊലപ്പെടുത്തി; ആശുപത്രി ജീവനക്കാരന്‍ അറസ്റ്റില്‍

കോവിഡ് രോഗിയെ ബലാത്സംഗം ചെയ്ത് കൊലപ്പെടുത്തിയ ആശുപത്രി ജീവനക്കാരന്‍ അറസ്റ്റില്‍. ഭോപ്പാലിലെ സർക്കാർ ആശുപത്രിയില്‍ വച്ചാണ് 43കാരി ബലാത്സംഗത്തിനിരയായത്. സംഭവത്തില്‍ സന്തോഷ്​ അഹിർവാർ എന്ന 40കാരനെയാണ് നിഷാദ്​പുര പൊലീസ് അറസ്റ്റു ചെയ്തത്.

ഒരു മാസം മുമ്പു​ നടന്ന സംഭവത്തെ കുറിച്ചുള്ള വാർത്തകൾ പ്രതിയെ അറസ്റ്റു ചെയ്തതിനെ തുടർന്നാണ്​ പുറത്തു​ വന്നത്​. ഏപ്രിൽ ആറിനായിരുന്നു കോവിഡ് ബാധിച്ച് ചികിത്സയില്‍ കഴിഞ്ഞിരുന്ന​ സ്ത്രീയെ ആശുപത്രിയില്‍ അറ്റന്‍ററായിരുന്ന സന്തോഷ്​ അഹിർവാർ പീഡിപ്പിച്ചത്. ഇതിനു പിന്നാലെ സ്​ത്രീയുടെ ആരോഗ്യനില മോശമാവുകയും വെന്‍റിലേറ്ററിൽ പ്രവേശിപ്പിക്കുകയും ചെയ്​തിരുന്നു. അന്നു​ രാത്രിയോടെ തന്നെ ചികിത്സയിലിരിക്കെ അവർ മരണപ്പെട്ടു.

ഡോക്​ടറോട്​ പീഡനവിവരം സ്ത്രീ പങ്കുവെച്ചിരുന്നു. ഡോക്​ടർ ഇക്കാര്യം പൊലീസിനെ അറിയിച്ചു. തുടര്‍ന്നാണ് നിഷാദ്​പുര പൊലീസ് കേസെടുത്ത് അന്വേഷണം ആരംഭിച്ചത്. അറസ്റ്റിലായ പ്രതിയുടെ വിചാരണ ഉടന്‍ തുടങ്ങുമെന്നാണ് റിപ്പോര്‍ട്ടുകള്‍.