ഏഷ്യൻ ഗെയിംസ് വോളീബോൾ; കൊറിയയെ തകർത്ത് ഇന്ത്യ

ഏഷ്യൻ ഗെയിംസ് വോളീബോൾ അവസാന ഗ്രൂപ്പ് സി മത്സരത്തിൽ ദക്ഷിണ കൊറിയക്കെതിരെ ഇന്ത്യക്ക് ആവേശകരമായ ജയം. അഞ്ചു സെറ്റുകൾ നീണ്ട പോരാട്ടത്തിൽ 3-2നാണ് ഇന്ത്യയുടെ വിജയം. രണ്ട് മണിക്കൂറും 38 മിനിറ്റും നീണ്ടുനിന്ന മത്സരത്തിൽ മൂന്ന് തവണ ചാമ്പ്യന്മാരായ കൊറിയയ്‌ക്കെതിരെ മികച്ച മുന്നേറ്റമാണ് ഇന്ത്യ നടത്തിയത്.

3-0 ന് കംബോഡിയയെയും ഇന്ത്യ തകർത്തിരുന്നു. അഞ്ച് പോയിന്‍റോടെ ഗ്രൂപ്പില്‍ ഒന്നാം സ്ഥാനത്താണ് ഇന്ത്യ. വരാനിരിക്കുന്ന റൗണ്ടിൽ, ഇന്ത്യ ചൈനീസ് തായ്‌പേയ് അല്ലെങ്കിൽ മംഗോളിയയെ നേരിടും. ടൂർണമെന്‍റില്‍ ഇന്ത്യയുടെ അവസാന മെഡൽ 1986ൽ വെങ്കലം നേടിയതാണ്. ഇന്തോനേഷ്യയിൽ നടന്ന കഴിഞ്ഞ പതിപ്പിൽ ഇന്ത്യ 12-ാം സ്ഥാനത്തായിരുന്നു.