'സ്വന്തം കുടുംബാംഗം മരണക്കിടക്കയിൽ കിടക്കുമ്പോള്‍ ക്രിക്കറ്റിനെക്കുറിച്ച് ചിന്തിക്കാനാകില്ല' ഐ.പി.എല്ലില്‍ നിന്ന് മടങ്ങിയതിന്‍റെ കാരണം വ്യകത്മാക്കി ആദം സാംപ
ഓസ്ട്രേലിയന്‍ ദേശീയ താരമായ സാംപ ഇന്ത്യയിലേത് ഏറ്റവും ദുർബലമായ ബയോ ബബ്ൾ സംവിധാനമാണെന്നും തുറന്നടിച്ചു.
ഐ.പി.എല്‍ സീസണ്‍ പകുതി വഴിയില്‍ ഉപേക്ഷിച്ചതിന്‍റെ കാരണം വ്യക്തമാക്കി റോയൽ ചലഞ്ചേഴ്സ് താരം ആദം സാംപ. ഓസ്ട്രേലിയന്‍ ദേശീയ താരമായ സാംപ ഇന്ത്യയിലേത് ഏറ്റവും ദുർബലമായ ബയോ ബബ്ൾ സംവിധാനമാണെന്ന് തുറന്നടിച്ചു. താൻ ഇതുവരെ ഭാഗമായതിൽ ഏറ്റവും ദുർബലമായ ബയോ ബബ്ൾ സംവിധാനമാണ് ഇത്തവണ ഐ.പി.എല്ലില്‍ കണ്ടതെന്നായിരുന്നു സാപയുടെ പ്രതികരണം. യു.എ.ഇയിൽ വെച്ച് തന്നെ 14ആം സീസണും നടത്തേണ്ടതായിരുന്നു എന്നും ആദം സാംപ പറഞ്ഞു. സ്വന്തം കുടുംബാംഗം മരണക്കിടക്കയിൽ കിടക്കുമ്പോള്‍ ക്രിക്കറ്റിനെക്കുറിച്ച് എങ്ങനെ ചിന്തിക്കാനാകുമെന്നും സാംപ ചോദിക്കുന്നു.
ബാംഗ്ലൂർ ടീമിൽ ഉൾപ്പെട്ടിരുന്ന സാംപയും കെയ്ൻ റിച്ചാർഡ്സണും വ്യക്തിപരമായ കാരണങ്ങൾ മൂലം ടൂർണമെൻറിൽ നിന്ന് പിന്മാറുകയാണ് എന്നറിയിക്കുകയായിരുന്നു. കഴിഞ്ഞ വർഷം യു.എ.ഇയിൽ ഐ.പി.എൽ സീസണ്‍ ഏറ്റവും സുരക്ഷിതമായി അനുഭവപ്പെട്ടതായും സിഡ്‌നി മോണിങ് ഹെറാൾഡിനോട് സംസാരിക്കവേ സാംപ പറഞ്ഞു. 'ഇതുവരെ ഏതാനും ബയോ ബബിളുകളില്‍ ഞങ്ങള്‍ ഭാഗമായിട്ടിട്ടുണ്ട്. അതില്‍ ഏറ്റവും ദുര്‍ബലമായി തോന്നിയത് ഇന്ത്യയില്‍ ഇപ്പോള്‍ നടക്കുന്ന ഐ.പി.എല്ലിലേത് തന്നെയാണ്. ആറ് മാസം മുന്‍പ് യു.എ.ഇയില്‍ ഐ.പി.എല്‍ നടന്നപ്പോള്‍ അങ്ങനെ തോന്നിയിരുന്നില്ല. എല്ലാ അര്‍ഥത്തിലും സുരക്ഷിതമാണ് എന്ന തോന്നലാണ് അവിടെയുള്ളപ്പോൾ ഉണ്ടായിരുന്നത്. ഇത്തവണയും ഐ.പി.എല്‍ യു.എ.ഇയില്‍ തന്നെ നടത്തിയാല്‍ മതിയായിരുന്നു' സാംപ പറഞ്ഞു. അതേസമയം ഇന്ത്യയില്‍നിന്നുള്ള യാത്രാവിമാനങ്ങള്‍ക്ക് ആസ്ട്രേലിയ വിലക്കേര്‍പ്പെടുത്തിയിരിക്കുകയാണ്. അതുകൊണ്ട് തന്നെ സാംപയ്ക്കും റിച്ചാർഡ്സണും ആസ്ട്രേലിയയിലേക്ക് തിരിച്ചുപോകാൻ സാധിച്ചിട്ടില്ല. ഇരുതാരങ്ങളും ഇപ്പോൾ മുംബൈയിലാണുള്ളത്
Adjust Story Font
16
