ക്രിക്കറ്റ് താരം പിയൂഷ് ചൗളയുടെ പിതാവ് കോവിഡ് ബാധിച്ച് മരിച്ചു
കടുപ്പമേറിയ ഈ ഘട്ടത്തിൽ എല്ലാവരിൽ നിന്നും പ്രാർഥനയും പിന്തുണയും ഉണ്ടാകണമെന്നും താരം കുറിച്ചു.
ഇന്ത്യൻ ക്രിക്കറ്റ് താരം പിയൂഷ് ചൗളയുടെ പിതാവ് കോവിഡ് ബാധിച്ച് മരിച്ചു. കോവിഡ് ബാധിച്ച് ആരോഗ്യം വഷളായ അച്ഛൻ പ്രമോദ് കുമാർ ചൗള മരിച്ച വിവരം താരം തന്നെയാണ് സോഷ്യൽ മീഡിയയിലൂടെ അറിയിച്ചത്. 60 വയസായിരുന്നു.
പിതാവ് മരണപ്പെട്ട വിവരം അതിയായ ദുഖത്തോടെ അറിയിക്കുന്നതായി പിയൂഷ് ചൗള ഇൻസ്റ്റഗ്രാമിൽ കുറിച്ചു. കോവിഡ് ബാധിച്ചതിനെ തുടർന്ന് അദ്ദേഹത്തിന്റെ ആരോഗ്യനില വല്ലാതെ മോശമായിരുന്നതായും ചൗള അറിയിച്ചു. കടുപ്പമേറിയ ഈ ഘട്ടത്തിൽ എല്ലാവരിൽ നിന്നും പ്രാർഥനയും പിന്തുണയും ഉണ്ടാകണമെന്നും താരം കുറിച്ചു.
അച്ഛനില്ലാത്ത ജീവിതം ഒരിക്കലുമിനി പഴയതുപോലെ ആയിരിക്കില്ല. തന്റെ കരുത്തിന്റെ പ്രധാനശക്തിയാണ് അച്ഛന്‍റെ വിയോഗത്തോടെ നഷ്ടമായതെന്നും ചൗള കുറിച്ചു.
ഇന്ത്യൻ ലെഗ്സ്പിന്നറായ പിയൂഷ് ചൗള, ലോകകപ്പ് നേടിയ 2011 ഇന്ത്യൻ ടീമിൽ അംഗമായിരുന്നു. ഐ.പി.എല്ലിൽ കൊൽക്കത്ത താരമായിരുന്ന ചൗള ഈ സീസണിൽ മുംബൈ ഇന്ത്യൻസിലേക്ക് മാറിയിരുന്നു.
Adjust Story Font
16
