ആഴ്‍സനലിന്റെ തകർച്ച ആരംഭിച്ചു, ഇതാ അഞ്ച് കാരണങ്ങൾ

ഇന്നലെ ഇം​ഗ്ലീഷ് പ്രീമിയർ ലീ​ഗിൽ ലിവർപൂളിനോട് സമനില വഴങ്ങിയതോടെ ആഴ്സനലിന്റെ ദൗർബല്യങ്ങളും പുറത്ത് വരുകയാണ്. ഈ സീസണിൽ ഉ‍ടനീളം ആഴ്സനൽ മികച്ച പ്രകടനമാണ് കാഴ്ചവെച്ചത്, അതിലാർക്കും സംശയവുമില്ല. കഴിഞ്ഞ വർഷങ്ങളുടെ പ്രയത്ന ഫലമായി യൂറോപ്പിലെ ഏറ്റവും മികച്ച സ്ക്വാഡുകളിലൊന്നായി ആഴ്സനലിനെ മാറ്റാൻ മൈക്കൽ അർട്ടേറ്റക്കായി. എന്നാൽ, പ്രീമിയർ ലീഗ് കിരീടം നേടാൻ അവർ പ്രാപ്തരായിട്ടില്ല. ഞായറാഴ്ച ലിവർപൂളുമായുള്ള 2-2 സമനില അതിന്റെ ഏറ്റവും പുതിയ ഓർമ്മപ്പെടുത്തലാണ്. കാരണം അവർ ആൻഫീൽഡിൽ ലിവർപൂളിനെതിരെ ആദ്യം രണ്ട് ഗോളിന് ലീഡ് എടുത്തെങ്കിലും ​ഗോൾ കീപ്പർ റാംസി‍ഡ്ലിന്റെ മികവിൽ ഒരു പോയിന്റുമായി രക്ഷപ്പെടുകയായിരുന്നു ടീം. മാഞ്ചസ്റ്റർ സിറ്റിയേക്കാൾ ഒരു മത്സരം കൂടുതൽ കളിച്ച ഗണ്ണേഴ്‌സിന് ഇപ്പോൾ ആറ് പോയിന്റ് മാത്രമേ അവരുമായി വ്യത്യാസമൊള്ളൂ. മാഞ്ചസ്റ്റർ സിറ്റിയുടെ ഹോം ​ഗ്രൗണ്ടായ ഇത്തിഹാദ് സ്റ്റേഡിയത്തിൽ ഇപ്പോഴും ആഴ്സനലിന് ഒരു മത്സരം ബാക്കിയുണ്ട്.

Arsenal's lead at the top of the league is cut to six points

This is what the result means at the top of the table ⬇ pic.twitter.com/HF7D3JoW0S

— Premier League (@premierleague) April 9, 2023

പരിചയക്കുറവ്

മാഞ്ചസ്റ്റർ സിറ്റിയുടെ സ്ക്വാഡിൽ എവിടെ നോക്കിയാലും കിരീ‍ട ജേതാക്കളാണ്. കെവിൻ ഡി ബ്രൂയ്‌ൻ, ഇൽകൈ ഗുണ്ടോഗൻ, ബെർണാഡോ സിൽവ, റിയാദ് മെഹ്‌റസ്, ജോൺ സ്റ്റോൺസ് എന്നിവരെല്ലാം മുമ്പ് പ്രീമിയർ ലീ​ഗ് വിജയിച്ചിട്ടുണ്ട്. ഗാർഡിയോളയുടെ ടീമിന് പോരാട്ടം കനക്കുമ്പോൾ വിജയിക്കേണ്ടത് എങ്ങനെയെന്ന് അറിയാം. ഇംഗ്ലീഷ് ഫുട്ബോളിലെ ആധിപത്യം അരക്കെട്ടുറപ്പിച്ച് പുതിയ റെക്കോർഡുകൾ സൃഷ്ടിക്കാൻ ഒരുങ്ങുകയാണ് അവർ. ആഴ്‌സനലിന് ഒരേ ചിന്താഗതിയുള്ള രണ്ട് മുൻ സിറ്റി താരങ്ങളുണ്ട്. ഗബ്രിയേൽ ജീസസും ഒലെക്‌സാണ്ടർ ഷിൻചെങ്കോയും. ഇരുവരും കിരീട പോരാട്ടത്തിന് മുമ്പ് സാക്ഷ്യം വഹിച്ചിട്ടുണ്ട്. എന്നാൽ ബാക്കിയുള്ള ആഴ്സനലിലെ ഭൂരിഭാ​ഗം താരങ്ങൾക്കും ഇവരെ പോലെ മുൻ പരിചയമില്ല. അവരുടെ ഇത്തവണത്തെ പ്രകടത്തിൽ നിർണായക സാനിധ്യമായ ബുക്കയോ സാക്ക, ഗബ്രിയേൽ മാർട്ടിനെല്ലി, മാർട്ടിൻ ഒഡെഗാർഡ് എന്നിവരൊക്കെ ആദ്യമായാണ് കിരീട പോരാട്ടത്തിന്റെ ചൂടറിയുന്നത്. മത്സരത്തിലെ സമ്മർദ്ദം കൈകാര്യം ചെയ്യപ്പെടാൻ ആഴ്‌സനൽ പരാജയപ്പെടുന്നത് ആൻഫീൽഡിൽ വേദനാജനകമായി പ്രകടമായിരുന്നു . വരും ആഴ്‌ചകളിലും ഇത്തരത്തിൽ കൂടുതൽ അവസ്ഥകൾ ടീമിൽ നിന്ന് പ്രതീക്ഷിക്കാം എന്ന് നിസംശയം പറയാം.

ഹാലാൻഡ് എന്ന ഘടകം

നിലവിൽ 14 ഗോളുകളോടെ പ്രീമിയർ ലീഗിൽ ആഴ്‌സണലിന്റെ ടോപ് സ്‌കോററാണ് മാർട്ടിനെല്ലി. ബ്രസീലിയൻ വിംഗറുടെ കരിയറിലെ ഏറ്റവും മികച്ച പ്രകടനം. സാക്കയ്ക്ക് 13-ഉം ഒഡെഗാർഡിന് 10-ഉം ​ഗോളുകളുണ്ട്. ലോകകപ്പിന് ശേഷം മൂന്ന് മാസത്തേക്ക് കാൽമുട്ടിനേറ്റ പരിക്കില്ലായിരുന്നുവെങ്കിൽ ജീസസിനും ഇരട്ട അക്കത്തിൽ എത്തുമായിരുന്നു.

എന്നാൽ എർലിംഗ് ഹാലാൻഡിനോട് അടുത്ത് ഇവരാരും തന്നെയില്ല. ശനിയാഴ്ച സതാംപ്ടണെ 4-1-ന് സിറ്റി തോൽപ്പിച്ച മത്സരത്തിൽ തന്റെ 29-ാമത്തെയും 30-ാമത്തെയും പ്രീമിയർ ലീഗ് ഗോളുകൾ ഹാലാൻഡ് നേടി. എല്ലാ മത്സരങ്ങളിലുമായി സീസണിലെ മൊത്തത്തിലുള്ള മൊത്തം ടോട്ടൽ 44 ആയി ഉയർത്താനും താരത്തിനായി. ഒരു പ്രീമിയർ ലീഗ് സീസണിൽ (34) ഏറ്റവും കൂടുതൽ ഗോളുകൾ നേടിയ സലായുടെ റെക്കോർഡ് ഹാലാൻഡ് ഉറപ്പായും തകർക്കും, ഇത്തിഹാദ് സ്റ്റേഡിയത്തിലെ തന്റെ അരങ്ങേറ്റ വർഷം കഴിയുമ്പോഴേക്കും താരം 50 ​ഗോൾ കടന്നേക്കും. അയാൾ ലോക ഫുട്ബോളിലെ ഏറ്റവും സ്ഫോടാനാത്മകമായ സ്‌ട്രൈക്കറാണ്. അവന്റെ സാന്നിധ്യം ഏത് കളിയിലും സിറ്റിക്ക് ഒരു നേട്ടം നൽകുന്നു. ഗാർഡിയോള ഈയടുത്ത് ഹാലൻഡിനെ കൂറച്ചധികം പ്രശംസിച്ചിരുന്നു. "ക്രിസ്റ്റ്യാനോ റൊണാൾഡോയ്ക്കും ലയണൽ മെസ്സിക്കും ഒപ്പം ഞങ്ങൾ രണ്ട് അവിശ്വസനീയമായ ദശാബ്ദങ്ങൾ ജീവിച്ചു, അയാളും ആ നിലയിലാണ്.", ബിബിസി സ്‌പോർട്ടിനോടായി പറഞ്ഞു.

പൊട്ടിതെറിക്കുന്ന ഗ്രാനിറ്റ് ഷാക്ക

"നിങ്ങൾ കുറച്ച് വഴക്ക് കാണിക്കണം, പക്ഷേ കരടിയെ കുത്താനും കരടിയെ ഉറങ്ങാൻ വിടാനും ഒരു സമയമുണ്ട്, അവൻ അത് തെറ്റായ സമയത്താണ് കുത്തിയത്." മാഞ്ചസ്റ്റർ യുണൈറ്റഡ് ഇതിഹാസം റോയ് കീൻ, ആൻഫീൽഡിൽ ഗ്രാനിറ്റ് ഷാക്കയുടെ കോപാകുലമായ പൊട്ടിത്തെറി കാരണം ആഴ്‌സണലിന് വിലപ്പെട്ട മൂന്ന് പോയിന്റുകൾ നഷ്ടമായത് എങ്ങനെയെന്ന് കൃത്യമായായാണ് വിലയിരുത്തിയിരിക്കുന്നത്.

ഗ്രാനിറ്റ് ഷാക്ക ഒരു ഫൗൾ വിജയിക്കുന്നതിൽ പരാജയപ്പെട്ടതിനെത്തുടർന്ന് ട്രെന്റ് അലക്‌സാണ്ടർ-അർനോൾഡുമായി ഉരസാൻ തീരുമാനിക്കുന്നതിന് മുമ്പ് വരെ ഗണ്ണേഴ്‌സ് 2-0ന് മുന്നിലായിരുന്നു. കളി അവരുടെ പൂർണ്ണ നിയന്ത്രണത്തിലായിരുന്നു. ഉരസലിന് പിന്നീട് മഞ്ഞക്കാർഡും ലഭിച്ചു. കളിക്കളത്തിലെ സംഭവത്തോടെ ആൻഫീൽഡ് കാണികൾ കൂടുതൽ ആവേശഭരിതരായി. ഈ ആവേശത്തിൽ സലാഹ് നിമിഷങ്ങൾക്കകം ​ഗോൾ കണ്ടെത്തി. ഒടുവിൽ ലിവർപൂൾ കഠിനാധ്വാനം ചെയ്ത പോയിന്റ് നേടി.

ആഴ്‌സണലിന്റെ പോരാട്ടത്തിൽ ഷാക്കയുടെ ഈ പ്രകോപനം വളരെ വലിയ വിലയാണ് നൽകിയത്. പക്ഷേ അദ്ദേഹം ഇപ്പോഴും ഇതുപോലുള്ള ഭ്രാന്തൻ നിമിഷങ്ങൾക്ക് വിധേയനാണ്. അയാൾ തന്റെ പാഠം പഠിക്കാൻ സാധ്യതയില്ല. ഷാക്ക പലപ്പോഴും ഇങ്ങനെയാണ്. തന്റെ ജോലിയിൽ അയാള്‍ വളരെ മികച്ചതാണ്, എന്നാൽ തന്റെ കോപം എങ്ങനെ നിയന്ത്രിക്കണമെന്ന് അദ്ദേഹം ഇതുവരെ പഠിച്ചിട്ടില്ല. മുമ്പ് സ്വന്തം ആരാധകരോടും താരം കയർത്തിയിരുന്നു. അങ്ങനെയാണ് താരത്തിന് ​ഗണ്ണേഴ്സ് നായക സ്ഥാനം നഷ്ടമായത്.

In a post-apocalyptic wasteland in the year 2150 Granit Xhaka's great-great-great-grandchildren will wonder why they are sometimes troubled by pains on cold evenings as the remnants of that tackle are felt through his ancestral line.pic.twitter.com/zuAWxUv4Vv

— The Tactical Times (@Tactical_Times) April 9, 2023

ഹെ‍‍ഡ്മാസ്റ്റർ ഇപ്പോഴും ഗാർഡിയോള തന്നെ

പരിശീലക വേഷം തേച്ചു മിനുക്കാൻ മാ‍ഞ്ചസ്റ്റർ ഹോം ​ഗ്രൗണ്ടായ ഇത്തിഹാദ് സ്റ്റേഡിയത്തിൽ അർട്ടേറ്റ മൂന്ന് വർഷമാണ് ചെലവഴിച്ചത്. 2019-ൽ ആഴ്‌സണലിൽ ചേരുന്നതിന് മുമ്പ് ഗ്വാർഡിയോളയുടെ അസിസ്റ്റന്റായി പ്രവർത്തിക്കുമ്പോൾ തനിക്ക് കഴിയുന്നത്രയും ഗ്വാർഡിയോളയിൽ നിന്ന് പഠിച്ചെടു്ക്കാൻ അർട്ടേറ്റക്കായി. 2008-ൽ ബാഴ്‌സലോണയിൽ ഗാർഡിയോള ചെയ്‌തതുപോലെ എമിറേറ്റ്‌സ് സ്റ്റേഡിയത്തിൽ ആഴ്സണലിനു സമ്പൂർണ്ണ ആധ്യപത്യം നേടി കൊടുക്കാൻ അർട്ടേറ്റക്ക് കഴിഞ്ഞിട്ടില്ല.

ഫെബ്രുവരി 13-ന് ആഴ്‌സണലിന്റെ സിറ്റിയുടെ 3-1 ജയം അതിനുള്ള ശക്തമായ തെളിവുകൾ നൽകി. അർട്ടേറ്റ ടച്ച്‌ലൈനിന്റെ പുറത്ത് ഉടനീളം ഭ്രാന്തമായ ഒരു വ്യക്തിയെ പോലെയായിരുന്നു മത്സരം മുഴുവൻ. തന്റെ കളിക്കാർക്ക് നിർദ്ദേശങ്ങൾ ക്ഷോഭത്തിൽ നിരന്തരമായി നൽകി, കൂടാതെ ഒരു ഘട്ടത്തിൽ അപ്രതീക്ഷിതമായി ടീമിനെ മീറ്റിം​ഗിനും വിളിച്ചു. അതേസമയം ഗ്വാർഡിയോള ശാന്തതയുടെ മാതൃകയായിരുന്നു. ആഴ്‌സനൽ ആദ്യ പകുതിയിൽ മികച്ചു നിന്നു. ഇത് ഗാർഡിയോളയെ 3-2-2-3 ഫോർമേഷനിലൂടെ തന്റെ പരീക്ഷണം ഉപേക്ഷിച്ച് ഫ്ലാറ്റ് ബാക്ക് ഫോറിലേക്ക് മടങ്ങാൻ പ്രേരിപ്പിച്ചു, റിയാദ് മഹ്‌റസിനെ മാറ്റി മാന്യുവൽ അകാൻജിയെ കൊണ്ടുവന്നു. രണ്ടാം പകുതിയിൽ ആഴ്‌സണലിന്റെ ആക്രമണ ശക്തി തട‍ഞ്ഞു നിർത്തി തന്ത്രപരമായ മാറ്റങ്ങൾ സിറ്റിയെ മത്സരത്തിന്റെ പൂർണ്ണ നിയന്ത്രണം നേടാനും അനുവദിച്ചു.

ഗാർഡിയോളയുടെ റെക്കോർഡ് വളരെ മികച്ചതാണ്. ഏറ്റവും വലിയ മത്സരങ്ങളിൽ വളരെ അപൂർവമായി മാത്രമേ അയാൾക്ക് തെറ്റ് പറ്റൂ, അയാളുടെ ഇൻ-ഗെയിം മാനേജ്മെന്റ് എന്നത്തേയും പോലെ കൗശലമുള്ളതാണ്. എന്നാൽ ഏപ്രിൽ 26 ന് മാഞ്ചസ്റ്ററിലെ തന്റെ മുൻ ആശാനോട് പ്രതികാരം ചെയ്യാൻ അർട്ടേറ്റക്ക് വീണ്ടും അവസരമുണ്ട്. എന്നാൽ ഗാർഡിയോള തനിക്ക് നേരെ വരുന്ന എന്തിനേയുെം നേരിടാൻ തയ്യാറാണ്. അതിനാലാണ് പ്രീമിയർ ലീ​ഗിൽ സിറ്റിയെ വീണ്ടും പ്രിയങ്കരാക്കുകുന്നത്.

ഫോട്ടോഫിനിഷിം​ഗ്

ഫുൾഹാം, ബ്രെന്റ്‌ഫോർഡ്, ബ്രൈറ്റൺ എന്നിവയ്‌ക്കെതിരായ എവേ മത്സരങ്ങൾ ഉൾപ്പെടെ ആഴ്‌സണലുമായുള്ള പോരാട്ടത്തിന് മുന്നെ സിറ്റിക്ക് ഇനിയും ചില വെല്ലുവിളി നിറഞ്ഞ മത്സരങ്ങളുണ്ട്. പക്ഷേ സീസണിന്റെ അവസാനം വരെ അവർ പരമാവധി പോയിന്റുകൾ നേടിയാൽ ആരും അതിശയിക്കില്ല. അവർ മുമ്പ് ഇത് ചെയ്തിട്ടുണ്ട്, കൂടാതെ ചാമ്പ്യൻസ് ലീഗ്, എഫ്എ കപ്പ് പ്രതിബദ്ധതകൾ അവരുടെ ടൈറ്റിൽ ചലഞ്ചിനൊപ്പം ഒരു തടസ്സവുമില്ലാതെ കൈകാര്യം ചെയ്യാനുള്ള സ്ക്വാഡ് ഡെപ്ത് ഉണ്ട്. ആഴ്‌സനലിന് ശ്രദ്ധ കേന്ദ്രീകരിക്കാൻ പ്രീമിയർ ലീഗ് മാത്രമേയുള്ളൂ. ഇത് കൂടുതൽ സമ്മർദ്ദം വർദ്ധിപ്പിക്കുന്നു.

The twists and turns continue 🤩 pic.twitter.com/BWs8F4mhAx

— Premier League (@premierleague) April 10, 2023