മാഞ്ചസ്റ്റർ ഈസ് റെഡ്;ഡെർബിയിൽ മാഞ്ചസ്റ്റർ സിറ്റിയെ ‌തോൽപ്പിച്ച് യുനൈറ്റഡ്

ലണ്ടൻ: മാഞ്ചസ്റ്റർ ഡെർബിയിൽ വിജയിച്ച് മാഞ്ചസ്റ്റർ യുനൈറ്റഡ്. മാഞ്ചസ്റ്റർ സിറ്റിയെ എതിരില്ലാത്ത രണ്ട് ​ഗോളുകൾക്കാണ് പരാജയപ്പെടുത്തിയത്. പുതിയ പരിശീലകനായ മൈക്കൾ കാരിക്കിന് കീഴിലെ ആദ്യ മത്സരമായിരുന്നു സിറ്റിക്കെതിരെയുള്ളത്. ബ്രയാൻ എംബുമോ, പാട്രിക് ഡോർ​ഗു എന്നിവരാണ് സിറ്റിയുടെ വലകുലുക്കിയത്. ആദ്യ പകുതിയിൽ . സിറ്റിക്ക് പല അവസരങ്ങൾ ലഭിച്ചെങ്കിലും ​ലക്ഷ്യത്തിലേക്ക് പായിക്കാൻ അവർക്ക് സാധിച്ചില്ല. ആദ്യ പകുതിയിൽ ഒറ്റ ​ഗോൾ പോസ്റ്റ് ലക്ഷ്യമാക്കി ഒറ്റ ഷോട്ട് പോലും സിറ്റി പായിച്ചിരുന്നില്ല.

രണ്ടാം പകുതിയിൽ മികച്ച അവസരങ്ങൾ ലഭിച്ചത് യുനൈറ്റഡിനായിരുന്നു. സിറ്റിയുടെ മധ്യനിരയെ ഭേദിച്ച് പല തവണ യുനൈറ്റഡ് മുന്നേറ്റ നിര ബോക്സിലേക്കെത്തിയെങ്കിലും ​ഗോൾ മാത്രം പിറന്നില്ല. ഡൊന്നാറുമയുടെ മികച്ച സേവുകളാണ് സിറ്റിയെ അപകടത്തിൽ നിന്ന് രക്ഷിച്ചത്. എന്നാൽ 65-ാം മിനുട്ടിൽ ബ്രൂണോ ഫെർണാണ്ടസിന്റെ പാസിൽ എംബുമോ വല കുലുക്കിയതോടെ യുനൈറ്റഡ് ഒരു ​ഗോളിന് മുന്നിൽ. പത്ത് മിനിട്ടുകൾക്ക് ശേഷം പാട്രിക്ക് ഡോർ​ഗുവിലൂടെ യുനൈറ്റഡ് ലീഡ് ഇരട്ടിയാക്കി. മത്തേവൂസ് കൂന്യയുടെ നീട്ടി നൽകിയ പാസ് സ്വീകരിച്ച് ഇടം കാലു കൊണ്ട് ഡോർ​ഗു തൊടുത്ത ഷോട്ട് തടയാൻ ഡൊന്നാറുമക്കായില്ല. മേസൺമൗണ്ടിലൂടെ യുനൈറ്റഡ് വീണ്ടും ലീഡ് ഉയർത്താനായി ശ്രമിച്ചിരുന്നെങ്കിലും ​ഗോൾ അനുവദിക്കപ്പെട്ടില്ല

ജനുവരി 25 ന് ആർസനലുമായാണ് പ്രീമിയർ ലീ​ഗിൽ യുനൈറ്റഡിന്റെ അടുത്ത മത്സരം