മലപ്പുറം പുത്തനത്താണി സ്വദേശി അബൂദബിയിൽ കോവിഡ് ബാധിച്ച് മരിച്ചു

അബൂദബിയിൽ ഒരു മലയാളി കൂടി കോവിഡ് ബാധിച്ച് മരിച്ചു. മലപ്പുറം പുത്തനത്താണി സ്വദേശി അബ്ദുസമദ് കായൽമഠത്തിലാണ് (53) മരിച്ചത്. രണ്ടാഴ്ചയായി അൽഐൻ ഹോസ്പിറ്റലിൽ ചികിത്സയിൽ ആയിരുന്നു. കായൽമഠത്തിൽ ഹൈദ്രുവിന്റെയും നഫീസയുടെയും മകനാണ്. മയ്യിത്ത് അബുദബി ബനിയാസിൽ ഖബറടക്കും. ഭാര്യ: മുംതാസ്.മക്കൾ മുഫീദ, ദാനിഷ, ഷിഫിൽ സമദ്. മരുമകൻ ആനിസ് ആസാദ്, ചെറുവാടി(ദുബൈ). കോവിഡ് ബാധിച്ച് ചികിത്സയിലായിരുന്ന ഹരിപ്പാട് പള്ളിപ്പാട് സ്വദേശി പുല്ലമ്പട പനറായിൽ ജേക്കബ് (ഷാജി 47) ഇന്ന് രാവിലെ അബൂദബിയിൽ മരിച്ചിരുന്നു.