മഹാരാഷ്ട്രയില്‍ പൊലീസുമായി ഏറ്റുമുട്ടല്‍; 13 നക്‌സലുകളെ വധിച്ചു
നക്‌സലുകള്‍ ഒരു മീറ്റിങ്ങിനായി വനത്തില്‍ ഒരുമിച്ചുകൂടിയിട്ടുണ്ടെന്ന വിവരത്തെ തുടര്‍ന്നാണ് പൊലീസ് തിരച്ചില്‍ നടത്തിയത്.
മഹാരാഷ്ട്രയിലെ ഗാഡ്ഖിറോലി ജില്ലയില്‍ 13 നക്‌സലുകളെ പൊലീസ് ഏറ്റുമുട്ടലില്‍ വധിച്ചു. വെള്ളിയാഴ്ച പുലര്‍ച്ചെയോടെയാണ് ഏറ്റുമുട്ടല്‍ നടന്നത്. നക്‌സലുകള്‍ ഒരു മീറ്റിങ്ങിനായി വനത്തില്‍ ഒരുമിച്ചുകൂടിയിട്ടുണ്ടെന്ന വിവരത്തെ തുടര്‍ന്നാണ് പൊലീസ് തിരച്ചില്‍ നടത്തിയത്.
നക്‌സലുകള്‍ വനത്തിലുണ്ടെന്ന കൃത്യമായ വിവരത്തെ തുടര്‍ന്നാണ് സി-60 കമാന്‍ഡോസ് തിരച്ചിലിനെത്തിയത്. പൊലീസ് തിരച്ചില്‍ തുടങ്ങിയതോടെ നക്‌സലുകള്‍ വെടിയുതിര്‍ക്കുകയായിരുന്നു. പൊലീസ് നടത്തിയ തിരിച്ചടിയിലാണ് നക്‌സലുകള്‍ കൊല്ലപ്പെട്ടത്-പൊലീസ് ഡിഐജി സന്ദീപ് പാട്ടീല്‍ പറഞ്ഞു.
ഏറ്റമുട്ടല്‍ കനത്തതോടെ നക്‌സലുകള്‍ ഉള്‍വനത്തിലേക്ക് രക്ഷപ്പെട്ടെന്ന് എസ്പി അങ്കിത് ഗോയല്‍ പറഞ്ഞു. കൊല്ലപ്പെട്ട നക്‌സലുകളുടെ മൃതദേഹങ്ങള്‍ പ്രദേശത്ത് നിന്ന് കണ്ടെടുത്തിട്ടുണ്ട്. പ്രദേശത്ത് തിരച്ചില്‍ തുടരുകയാണെന്ന് അദ്ദേഹം പറഞ്ഞു.
Next Story
Adjust Story Font
16
