ഗസ്സയിൽ സഹായം തേടിയെത്തിയ 27 പേരുൾപ്പെടെ 51 പേർ ഇസ്രായേൽ ആക്രമണത്തിൽ കൊല്ല​പ്പെട്ടു

ഗസ്സ: ഗസ്സയിൽ സഹായം തേടിയെത്തിയ 27 പേരുൾപ്പെടെ 51 പേർ കൂടി ഇസ്രായേൽ ആക്രമണത്തിൽ കൊല്ല​പ്പെട്ടു. പട്ടിണി ഒഴിവാക്കാൻ ഗസ്സയിലേക്ക്​ കൂടുതൽ സഹായം ഉറപ്പാക്കണമെന്ന്​ കൂടുതൽ രാജ്യങ്ങൾ. സ്വതന്ത്ര ഫലസ്തീൻ രാഷ്ട്രം യാഥാർഥ്യമാകും വരെ ചെറുത്തുനിൽപ്പ്​ ഉപേക്ഷിക്കില്ലെന്ന്​ ഹമാസ്​. ഗസ്സയിൽ ഉടൻ വെടിനിർത്തൽ വേണമെന്നാവശ്യപ്പെട്ട്​ തെൽ അവീവിൽ വൻ നെതന്യാഹുവിരുദ്ധ റാലി.

ഗ​സ്സ​യി​ൽ ശ​നി​യാ​ഴ്ച ഇ​സ്രാ​യേ​ൽ ന​ട​ത്തി​യ വെ​ടി​വെ​പ്പി​ൽ സഹായം തേടിയെത്തിയ 27 പേർ കൂടി കൊല്ലപ്പെട്ടു. യു.എൻ ഏജൻസികളെ ഒഴിവാക്കി ഇസ്രായേലും അമേരിക്കയും നടപ്പിലാക്കിയ ഗസ്സ ഹ്യുമാനിറ്റേറിയൻ ഫൗ​ണ്ടേഷൻ ഭക്ഷ്യവിതരണ കേന്ദ്രങ്ങളിലാണ്​ ആസൂത്രിത കുരുതി തുടരുന്നത്​. പിന്നിട്ട ദിവസങ്ങളിൽ ഭ​ക്ഷ​ണം തേ​ടി വ​ന്ന​ 1800 ഓളം പേരാണ്​ വെടിയേറ്റു കൊല്ലപ്പെട്ടത്​. ഇത്​ യുദ്ധകുറ്റം തന്നെയാണെന്ന്​​ യു.എൻ ഏജൻസികൾ കുറ്റപ്പെടുത്തി.

പട്ടിണി കാരണം മരിച്ചവരുടെ എണ്ണം 162 ആയും ഉയർന്നു. ​വ്യോ​മാ​ക്ര​മ​ണ​വും ക​ര​യി​ലൂ​ടെ​യു​ള്ള സ​ഹാ​യ വി​ത​ര​ണ​ത്തി​ലെ നി​യ​ന്ത്ര​ണ​ങ്ങ​ളും കാ​ര​ണം ക​ടു​ത്ത പ​ട്ടി​ണി​യി​ലാ​ണ് പ​ല​സ്തീ​ൻ ജ​ന​ത. യു.എസ്​ പശ്​ചിമേഷ്യൻ ദൂതൻ സ്റ്റിവ്​ വിറ്റ്​കോഫ്​ കഴിഞ്ഞ ദിവസം ഗസ്സയിലെ സഹായ വിതരണകേന്ദ്രത്തിൽ സന്ദർശനം നടത്തിയെങ്കിലും സ്ഥിതി മെച്ചപ്പെടുത്താനുള്ള നീക്കമൊന്നും ഉണ്ടായില്ല. അതിർത്തികൾ തുറന്ന്​ വിലക്കുകളില്ലാതെ ഗസ്സയിലേക്ക്​ സഹായം എത്തിക്കണമെന്ന്​ ഫ്രാൻസും ജർമനിയും ആവശ്യപ്പെട്ടു. ബന്ദികളെ നിരുപാധികം വിട്ടയക്കാൻ ഹമാസിനോടും ഇരു രാജ്യങ്ങളും നിർദേശിച്ചു. തങ്ങളെ നിരായുധീകരിക്കണമെന്ന ഇസ്രായേലിന്‍റെയും അമേരിക്കയുടെയും ആവശ്യം ബാലിശമാണെന്ന്​ ഹമാസ്​ വ്യക്​തമാക്കി.

സ്വതന്ത്ര ഫലസ്തീൻ രാഷ്ട്രം സാധ്യമാകാതെ ആയുധങ്ങളും ചെറുത്തുനിൽപ്പും ഉപേക്ഷിക്കില്ലെന്ന്​ ഹമാസ്​ പ്രസ്താവനയിൽ അറിയിച്ചു. ബന്ദിമോചനം ഉറപ്പാക്കാൻ ഗസ്സയിൽ ഹമാസുമായി ഉടൻ വെടിനിർത്തൽ കരാർ വേണമെന്നാവശ്പ്പെട്ട്​ തെൽ അവീവിൽ കൂറ്റൻ നെതന്യാഹുവിരുദ്ധ റാലി നടന്നു. അറുപതിനായിരത്തിലേറെ പേർ റാലിയിൽ അണിനിരന്നതായി ഇസ്രായേൽ മാധ്യമങ്ങൾ റിപ്പോർട്ട്​ചെയ്തു. ആവശ്യത്തിന്​ ഭക്ഷണം ലഭിക്കാതെ തങ്ങളും ദുരിതത്തിലാണെന്ന്​ ചൂണ്ടിക്കാട്ടുന്ന ബന്ദികളുടെ വീഡിയോ കഴിഞ്ഞ ദിവസം ഹമാസ്​ പുറത്തുവിട്ടിരുന്നു. ഇത്​​ നെതന്യാഹുവിനെതിരായ പ്രക്ഷോഭത്തിന്​ കൂടുതൽ ശക്​തി പകർന്നിരിക്കുകയാണ്​.