മനുഷ്യക്കടത്തെന്ന് സംശയം; 300ലധികം ഇന്ത്യൻ യാത്രക്കാരുമായെത്തിയ വിമാനം ഫ്രാൻസിൽ തടഞ്ഞുവെച്ചു
രണ്ടുപേരെ ചോദ്യം ചെയ്യുന്നതിനായി കസ്റ്റഡിയിലെടുത്തു
ന്യൂഡൽഹി: മനുഷ്യക്കടത്തെന്ന് സംശയിച്ചു മുന്നൂറിലധികം ഇന്ത്യൻ യാത്രക്കാരുമായി നിക്കരാഗ്വയിലേക്ക് പോയ വിമാനം ഫ്രാൻസ് അധികൃതർ നിലത്തിറക്കി.
യു.എ.ഇയിൽ നിന്നാണ് വിമാനം പുറപ്പെട്ടത്. റുമാനിയയിൽ നിന്നുള്ള ലെജൻഡ് എയർലൈൻസ് ചാർട്ടർ ചെയ്ത വിമാനമാണ് വത്രി വിമാനത്താവളത്തിൽ പിടിച്ചിട്ടത്. പാരീസിൽ നിന്ന് 160 കിലോമീറ്റർ അകലെയാണ് വത്രി എയർപ്പോർട്ട് സ്ഥിതി ചെയ്യുന്നത്.
യാത്രക്കാരിൽ മനുഷ്യക്കടത്തിന് ഇരയാവുന്നവരുമുണ്ടെന്ന് പറഞ്ഞ് ലഭിച്ച അജ്ഞാത സന്ദേശത്തിന്റെ അടിസ്ഥാനത്തിലാണ് നടപടിയെന്ന് പാരിസ് പബ്ലിക് പ്രോസിക്യൂട്ടറെ ഉദ്ധരിച്ച് എ.എഫ്.പി റിപ്പോർട്ട് ചെയ്യുന്നു.
സ്ഥിതിഗതികൾ അന്വേഷിക്കുകയാണെന്നും ഫ്രാൻസിലെ ഇന്ത്യൻ എംബസി അറിയിച്ചു. യാത്രക്കാർക്ക് എയർപോർട്ടിൽ തങ്ങാനുള്ള സൗകര്യങ്ങളൊരുക്കിയതായി അധികൃതർ അറിയിച്ചു. സംഭവവുമായി ബന്ധപ്പെട്ടു രണ്ടുപേരെ ചോദ്യം ചെയ്യുന്നതിനായി കസ്റ്റഡിയിലെടുത്തിട്ടുണ്ട്.
Adjust Story Font
16
