2026-ലെ വൈദ്യശാസ്ത്ര നൊബേൽ മൂന്നുപേർക്ക്; തലച്ചോറിലെ നാഡീകോശങ്ങളെ കുറിച്ചുള്ള പഠനത്തിനാണ് പുരസ്കാരം

വാഷിങ്ടൺ: 2026-ലെ വൈദ്യശാസ്ത്ര നൊബേൽ മൂന്നുപേർക്ക്. അമേരിക്കൻ, ജർമ്മൻ ഗവേഷകരായ കാൾ ഡെയ്സെറൗത്ത്, പീറ്റർ ഹേഗമൻ, ജോർജ് നഗേൽ എന്നിവർക്കാണ് പുരസ്കാരം. തലച്ചോറിലെ നാഡീകോശങ്ങളെക്കുറിച്ചുള്ള പഠനത്തിനാണ് പുരസ്കാരം. തലച്ചോറിലെ നാഡീകോശങ്ങൾ ഓർമകളെയും വികാരങ്ങളെയും പെരുമാറ്റങ്ങളെയും എങ്ങനെ സ്വാധീനിക്കുന്നുവെന്ന് മനസിലാക്കാൻ സഹായിക്കുന്ന ഓപ്റ്റോജനെറ്റിക്സ് എന്ന പഠനശാഖയ്ക്ക് ഇവർ അടിത്തറ നൽകിയിരുന്നു.

പ്രത്യേകതരം പ്രോട്ടീൻ നാഡീകോശങ്ങളിലെത്തിച്ചശേഷം വെളിച്ചം ഉപേയാഗിച്ച് ആ കോശങ്ങളെ ആവശ്യമുള്ള സമയത്ത് പ്രവർത്തിപ്പിക്കാനും നിർത്താനും കഴിയുന്ന രീതിയാണ് ഓപ്റ്റോജനെറ്റിക്സ്. കരോലിൻസ്ക ഇൻസ്റ്റിറ്റ്യൂട്ടിലെ 50 പ്രൊഫസർമാർ അടങ്ങുന്ന നൊബൽ അസംബ്ലിയാണ് പുരസ്കാര ജേതാക്കളെ തെരഞ്ഞെടുത്തത്.

സമ്മാനത്തുകയായ 11.5 കോടി രൂപ മൂന്ന് ശാസ്ത്രജ്ഞർക്കുമായി തുല്യമായി വീതിച്ചുനൽകും. 2026ലെ ആദ്യ നൊബേൽ പുരസ്കാര പ്രഖ്യാപനമാണ് ഇന്ന് നടന്നത്. ഭൗതികശാസ്ത്രം, രസതന്ത്രം, സാ​ഹിത്യം, സമാധാനം, സാമ്പത്തിക എന്നീ മേഖലകളിലെ നൊബേൽ സമ്മാനം വരും ദിവസങ്ങളിൽ പ്രഖ്യാപിക്കും.