തൃഷ രാജകുമാരിയെ പോലെയെന്ന് വിജയ്, വിജയ് തന്റെ വീടാണെന്ന് തൃഷയും; പഴയ വിഡിയോ കുത്തിപ്പൊക്കി സോഷ്യല്‍ മീഡിയ

വിവാദങ്ങള്‍ക്കിടെ വിജയ്‌യുടേയും തൃഷയുടേയും പഴയൊരു വിഡിയോ ചര്‍ച്ചയാക്കി സോഷ്യല്‍ മീഡിയയില്‍. വിജയ് തൃഷയെ രാജകുമാരിയെന്നും തൃഷ നടനെ തന്റെ വീട് എന്നും വിശേഷിപ്പിക്കുന്ന വിഡിയോയാണ് വൈറലാകുന്നത്. 2026 മാർച്ച് 5 ന് ചെന്നൈയിൽ നടന്ന ഒരു വിവാഹ സത്ക്കാരത്തിൽ ദളപതി വിജയ്‌ക്കൊപ്പം നടി പ്രത്യക്ഷപ്പെട്ടതിന് ശേഷമാണ് ക്ലിപ്പ് വ്യാപകമായി പ്രചരിക്കാൻ തുടങ്ങിയത്. ചലച്ചിത്ര നിർമാതാവ് കൽപ്പാത്തി എസ്. സുരേഷിന്റെ മകന്റെ വിവാഹ സൽക്കാരമായിരുന്നു അത്, തമിഴ് ചലച്ചിത്രമേഖലയിലെ നിരവധി പ്രശസ്ത വ്യക്തികൾ പങ്കെടുത്തു.

2016-ൽ തൃഷ നടത്തിയ അഭിമുഖത്തിൻ്റെ ഭാ​ഗമാണ് ഇതോടെ ട്രെൻഡാവാൻ തുടങ്ങിയത്, ബന്ധങ്ങളെയും വിവാഹത്തെയും കുറിച്ചുള്ള നടിയുടെ തുറന്ന ഉത്തരമാണി് ശ്രദ്ധ ആകർഷിച്ചത്. ഇന്ത്യാഗ്ലിറ്റ്‌സുമായുള്ള ഒരു ത്രോബാക്ക് അഭിമുഖത്തിൽ, വിവാഹത്തെ താൻ എങ്ങനെ കാണുന്നുവെന്നും അതിലേക്ക് തിടുക്കം കൂട്ടാൻ സമ്മർദ്ദം തോന്നാത്തത് എന്തുകൊണ്ടാണെന്നും തൃഷ തുറന്നു പറഞ്ഞു. വിവാഹം ഒരിക്കലും തന്റെ മുൻ‌ഗണനയായിരുന്നില്ലെന്നും വേർപിരിയലിൽ അവസാനിക്കുന്ന ഒരു ബന്ധത്തിലേക്ക് പ്രവേശിക്കുന്നതിനേക്കാൾ അവിവാഹിതയായി തുടരാൻ താൻ ആഗ്രഹിക്കുന്നുണ്ടെന്നും നടി പറഞ്ഞു.

"ഞാൻ വിവാഹമോചനത്തിൽ വിശ്വസിക്കുന്നില്ല. വിവാഹത്തിന് മുമ്പ് ഞാൻ 100 തവണ ചിന്തിക്കും. മറ്റൊരാളെ വേദനിപ്പിക്കാനോ അസന്തുഷ്ടമായ ജീവിതം നയിക്കാനോ ഞാൻ ആഗ്രഹിക്കുന്നില്ല," നടി കൂട്ടിച്ചേർത്തു.

അതേസമയം, ''വിജയ്, കാലങ്ങള്‍ക്ക് ശേഷം സ്‌കൂള്‍ ഫ്രണ്ടിനെ കാണുന്നത് പോലെയായിരുന്നു. അതേ കംഫര്‍ട്ടും സ്‌നേഹവും സൗഹൃദവും. എന്റെ 20 വര്‍ഷത്തെ കരിയറില്‍ ഏറ്റവും ദൈര്‍ഘ്യമേറിയ യാത്ര വിജയ്‌ക്കൊപ്പമായിരുന്നു. വീട് എന്നാല്‍ ഒരു ഇടമല്ലെന്നും ഒരു വ്യക്തിയാണെന്നാണ് പറയപ്പെടുന്നത്'' എന്ന് തൃഷ പറഞ്ഞതും ഇന്ന് പ്രചരിക്കുന്നു.

''ഒരു 20 കാരി നായികയാകുന്നത് വലിയ കാര്യമല്ല. എന്നാല്‍ ഒരു പെണ്‍കുട്ടി 20 വര്‍ഷമായി നായിക സ്ഥാനം നിലനിര്‍ത്തുന്നത് ചെറിയ കാര്യമല്ല. അതും അതേ ഊര്‍ജ്ജത്തോടേയും സൗന്ദര്യത്തോടേയും'' എന്നാണ് വിജയ് തൃഷയെക്കുറിച്ച് പറഞ്ഞത്.

'ഞാന്‍ ആരേക്കുറിച്ചാണ് പറയുന്നതെന്ന് നിങ്ങള്‍ക്കെല്ലാം അറിയാം. എല്ലാവരും കൈ വീശുക സാധാരണ ആളുകളെ പോലെയാണ്. പക്ഷെ അവള്‍ കൈ വീശുക രാജകുമാരിയെപ്പോലെയാണ്. നിങ്ങളെല്ലാം അത് ശ്രദ്ധിച്ചിട്ടുണ്ടാകും. അതേ, നമ്മുടെ കുന്ദവൈ രാജകുമാരി. ആശംസകള്‍ തൃഷ'' എന്നും വിജയ് പറയുന്നുണ്ട്.

ഗില്ലി (2004), തിരുപ്പാച്ചി (2005), ആതി (2006), കുരുവി (2008), ലിയോ (2023), 2024-ൽ പുറത്തിറങ്ങിയ ദി ഗ്രേറ്റസ്റ്റ് ഓഫ് ഓൾ ടൈം (GOAT) എന്നിവയുൾപ്പെടെ നിരവധി വിജയകരമായ തമിഴ് ചിത്രങ്ങളിൽ ഇരുവരും ഒരുമിച്ച് പ്രവർത്തിച്ചിട്ടുണ്ട്.