യുഎഇയില്‍ ചൂട് 50 ഡിഗ്രി; പുറം ജോലിക്കാര്‍ക്ക് ജാഗ്രതാ നിര്‍ദ്ദേശം

മധ്യാഹ്ന ഇടവേള ഈ മാസം 15 മുതല്‍

യു.എ.ഇയുടെ പല ഭാഗങ്ങളിലും താപനില 50 ഡിഗ്രിയോടടുത്ത സാഹചര്യത്തിൽ പുറമെ ജോലി ചെയ്യുന്നവർ പരമാവധി ജാഗ്രത പുലർത്തണമെന്ന്​ നിർദേശം. ഈ മാസം 15 മുതലാണ്​രാജ്യത്ത്​മധ്യാഹ്ന ഇടവേള നിയമം നടപ്പാകുന്നത്​.

കടുത്ത ചൂടിൽ വെന്തുരുകുകയാണ്​ യു.എ.ഇ. ചൂടുമൂലമുണ്ടാവുന്ന പ്രയാസങ്ങളെ നേരിടാൻ പ്രതിരോധ മാർഗങ്ങൾ അവലംബിക്കണമെന്ന്​അധികൃതർ ആവശ്യപ്പെട്ടു. ചൂട്​ഇനിയും കൂടുമെന്നാണ് ​കാലാവസ്ഥാ ഗവേഷണ കേന്ദ്രം നൽകുന്ന സൂചന. ഇനി ആഗസ്റ്റ്​ അവസാനം വരെ ചൂട്​ ഉയർന്ന നിലയിൽ തുടരാനാണ്​ സാധ്യത.

മധ്യാഹ്ന ഇടവേള നിയമം ഈ മാസം പതിനഞ്ചിനാണ്​നടപ്പിൽ വരികയെങ്കിലും പ്രധാന കമ്പനികൾ പലതും ഇപ്പോൾ തന്നെ ആവശ്യമായ സൗകര്യം ഒരുക്കുന്നുണ്ട്​. തുറസ്സായ സ്ഥലങ്ങളിൽ പകൽ ജോലിക്ക്​ക്രമീകരണം വരുത്തിയാണ്​സ്ഥാപനങ്ങൾ ചൂടിൽനിന്ന്​തൊഴിലാളികളെ രക്ഷിക്കുന്നത്​. രാത്രികാലങ്ങളിൽ പദ്ധതി ജോലികൾ പൂർത്തീകരിക്കാനുള്ള നീക്കവും ആരംഭിച്ചിട്ടുണ്ട്​. അതിനിടെ, ചൂടിൽ പുറത്തിറങ്ങുന്നവർ മികച്ച മുൻകരുതലുകൾ സ്വീകരിക്കണമെന്ന്​വിദഗ്ധർ മുന്നറിയിപ്പ്​നൽകി. നോമ്പുകാലമാകയാൽ എളുപ്പം ജലനഷ്ടം സംഭവിക്കാൻ സാധ്യതയുണ്ട്​. ചൂട്​ കടുക്കുന്ന ഉച്ച നേരങ്ങളിൽ കഴിയുന്നത്ര പുറത്തിറങ്ങാതിരിക്കാനാണ്​ നിർദേശം.