മുഹറഖിൽ പഴയ കെട്ടിടം മുനിസിപ്പാലിറ്റി പൊളിച്ചു മാറ്റി

ജനങ്ങളുടെ സുരക്ഷ കണക്കിലെടുത്ത്​ ബഹ്‌റൈന്‍ മുഹറഖിലെ 213 നമ്പർ ​​േബ്ലാക്കിലെ പൊളിഞ്ഞു വീഴാറായ കെട്ടിടം മുഹറഖ്​ മുനിസിപ്പൽ കൗൺസിൽ അധികൃതർ ഇടപെട്ട്​ പൊളിച്ചു മാറ്റി. ബന്ധപ്പെട്ട കേന്ദ്രങ്ങളുമായി സഹകരിച്ചാണ്​ ഇതിന്​ നടപടി സ്വീകരിച്ചത്​.

ഭിത്തിയടക്കമുള്ളത്​ ജനങ്ങളുടെ മേൽ വീഴുമെന്ന സാധ്യത റിപ്പോർട്ട്​ കിട്ടിയതിനെ തുടർന്നാണ്​ കെട്ടിടം പൊളിച്ചു നീക്കാൻ തീരുമാനമെടുത്തത്​. ബഹ്​റൈൻ പൈതൃക , സാംസ്​കാരിക അതോറിറ്റിയുമായി സഹകരിച്ചാണ്​ ​പൊളിക്കൽ നടപടി സ്വീകരിച്ചത്​. പൈതൃക പ്രദേശത്തുള്ള കെട്ടിടമായതിനാലാണ്​ അതോറിറ്റിയുടെ അനുമതി വേണ്ടിവന്നതെന്നും ബന്ധപ്പെട്ടവർ അറിയിച്ചു.