ഹൃദയാഘാതം: കോഴിക്കോട് കിണാശ്ശേരി സ്വദേശി ഖത്തറിൽ മരിച്ചു

ദോഹ: കോഴിക്കോട് കിണാശ്ശേരി സ്വദേശി ഖത്തറിൽ നിര്യതനായി. ഖത്തർ കെ.എം.സി.സി സജീവ പ്രവർത്തകനും കോഴിക്കോട് സിറ്റി മണ്ഡലം മുൻ ഭാരവാഹിയുമായ കിണാശ്ശേരി വാഴോട്ടു താഴം മറക്കാൻകടവ് പറമ്പിൽ ഇസ്മായിൽ (49) ആണ് മരണപ്പെട്ടത്. ഹൃദയാഘാതത്തെ തുടർന്നായിരുന്നു മരണം. ദോഹയിൽ റെന്റ് എ കാർ സ്ഥാപനത്തിൽ ജോലി ചെയ്യുകയായിരുന്നു. പിതാവ് ഇബ്രാഹിം. മാതാവ്: മറിയംബി. നാദിറയാണ് ഭാര്യ. മൂന്ന് പെൺമക്കളുണ്ട്.

നടപടിക്രമങ്ങൾ പൂർത്തിയാക്കിയ ശേഷം മൃതദേഹം നാട്ടിലേക്ക് കൊണ്ടുപോകുമെന്ന് കെ.എം.സി.സി അൽ ഇഹ്സാൻ മയ്യിത്ത് പരിപാലന കമ്മിറ്റി ഭാരവാഹികൾ അറിയിച്ചു.