ഹജ്ജിനിടെ അസുഖബാധിതനായ മലയാളി തീർഥാടകൻ മരിച്ചു

മക്ക: ഹജ്ജിനിടെ അസുഖബാധിതനായ മലയാളി തീർഥാടകൻ മരിച്ചു. പത്തനംതിട്ട സ്വദേശി സലീം റാവുത്തർ (72) ആണ് മരിച്ചത്. ഭാര്യയോടൊപ്പം സംസ്ഥാന ഹജ്ജ് കമ്മിറ്റിയുടെ കീഴിൽ ഹജ്ജ് നിർവഹിക്കാൻ എത്തിയതായിരുന്നു. ഹജ്ജ് കർമ്മങ്ങൾക്കിടെയാണ് അസുഖബാധിതനായത്.

മക്കയിലെ അൽ നൂർ ആശുപത്രിയിലെ തീവ്രപരിചരണ വിഭാഗത്തിൽ രണ്ടാഴ്ചയായി ചികിത്സയിൽ കഴിയുകയായിരുന്നു. കടുത്ത ന്യൂമോണിയയെ തുടർന്നായിരുന്നു മരണം. നടപടികൾ പൂർത്തിയാക്കി മക്കയിൽ ഖബറടക്കം നടത്തും.