എന്താണ് ഗ്രീൻ ഫംഗസ്?, ലക്ഷണങ്ങൾ എന്തൊക്കെ?
ബ്ലാക്ക് ഫംഗസ് അഥവാ മ്യൂക്കോർമൈക്കോസിസ് കേസുകൾ കൂടാതെ ഇന്ത്യയിൽ ആദ്യമായി ഗ്രീൻ ഫംഗസും റിപ്പോർട്ട് ചെയ്തു
ബ്ലാക്ക് ഫംഗസ് അഥവാ മ്യൂക്കോർമൈക്കോസിസ് കേസുകൾ കൂടാതെ ഇന്ത്യയിൽ ആദ്യമായി ഗ്രീൻ ഫംഗസും റിപ്പോർട്ട് ചെയ്തു. ആസ്പർജില്ലോസിസ് എന്നും ഗ്രീൻ ഫംഗസ് അറിയപ്പെടുന്നു. ശ്രീ അരബിന്ദോ ഇന്സ്റ്റിറ്റ്യൂട്ട് ഓഫ് മെഡിക്കൽ സയൻസിലെ ഡോക്ടറായ രവി ദോസിയാണ് മധ്യപ്രദേശ് സ്വദേശിയായ യുവാവിൽ രോഗം കണ്ടെത്തിയത്. കോവിഡ് ബാധിച്ച് രോഗമുക്തി നേടിയ യുവാവിലാണ് രോഗം കണ്ടെത്തിയത്.
ഗ്രീൻ ഫംഗസ് ലക്ഷണങ്ങൾ എന്തൊക്കെ?
കടുത്ത പനിയും മൂക്കിലെ രക്ത സ്രാവവുമാണ് ഗ്രീൻ ഫംഗസിന്റെ ലക്ഷണങ്ങൾ. കൂടാതെ, ശരീര ഭാരം കുറയുകയും ചെയ്യാം. ഡോ.രവി ദോസി പറയുന്നതനുസരിച്ച് ഗ്രീൻ ഫംഗസ് റിപ്പോർട്ട് ചെയ്ത യുവാവിൽ മുകളിൽ പറഞ്ഞ ലക്ഷണങ്ങളെല്ലാം കണ്ടെത്തിയിരുന്നു. ശരീര ഭാരം കുറഞ്ഞതിനാൽ രോഗി അതീവ ക്ഷീണതനായിരുന്നുവെന്നും ഡോക്ടർ അറിയിച്ചു. ഇയാളില് രക്തം, ശ്വാസകോശം, സൈനസുകൾ എന്നിവയിലാണ് രോഗബാധ കണ്ടെത്തിയത്. ഗ്രീൻ ഫംഗസിന്റെ സ്വഭാവത്തെ കുറിച്ചും രോഗം മറ്റുള്ളവരിൽ എന്തൊക്കെ ലക്ഷണങ്ങൾ പ്രകടമാക്കുമെന്നും, എങ്ങനെ ബാധിക്കുമെന്നും കൂടുതൽ പഠനം നടത്തണമെന്നും ഡോക്ടർ രവി ദോസി ആവശ്യപ്പെടുന്നു.
ആശങ്കയായി രാജ്യത്ത് ആദ്യ കേസ് റിപ്പോർട്ട് ചെയ്തു
കോവിഡ് രോഗമുക്തി നേടിയതിനു പിന്നാലെ ഇന്ഡോര് സ്വദേശിക്കാണ് ഗ്രീന് ഫംഗസ് ബാധ സ്ഥിരീകരിച്ചത്. മധ്യപ്രദേശിൽ ചികിത്സയിലിരുന്ന ഇയാളെ വിദഗ്ദ ചികിത്സയ്ക്കായി മുംബൈയിലേക്ക് മാറ്റി.
കോവിഡ് മുക്തനായതിന് പിന്നാലെ നടത്തിയ വിശദ പരിശോധനയിലാണ് ഫംഗസ് ബാധ കണ്ടെത്തിയതെന്ന് ശ്രീ അരബിന്ദോ ഇന്സ്റ്റിറ്റ്യൂട്ട് ഓഫ് മെഡിക്കൽ സയൻസിലെ ഡോക്ടറായ രവി ദോസി വ്യക്തമാക്കുന്നു. രണ്ടു മാസങ്ങൾക്ക് മുമ്പാണ് രോഗിയെ കോവിഡ് ലക്ഷണങ്ങളോടെ ആശുപത്രിയില് പ്രവേശിപ്പിച്ചത്. ഒരു മാസത്തോളം ഇയാൾ ഐ.സി.യുവിൽ ചികിത്സയിലായിരുന്നു.
Adjust Story Font
16