കോവാക്സിന്‍ അംഗീകരിച്ച് ആസ്ട്രേലിയ; ഇന്ത്യയില്‍ നിന്നുള്ള വിദ്യാര്‍ഥികള്‍ക്കും തൊഴിലാളികള്‍ക്കും ആശ്വാസം

കോവാക്​സിൻ സ്വീകരിച്ച, 12 വയസിന്​ മുകളിലുള്ളവര്‍ക്കാണ് പ്രവേശനാനുമതി

MediaOne Logo

Web Desk

  • Updated:

    2021-11-01 10:11:39.0

Published:

1 Nov 2021 10:11 AM GMT

കോവാക്സിന്‍ അംഗീകരിച്ച് ആസ്ട്രേലിയ; ഇന്ത്യയില്‍ നിന്നുള്ള വിദ്യാര്‍ഥികള്‍ക്കും തൊഴിലാളികള്‍ക്കും ആശ്വാസം
X

ഭാരത്​ ബയോടെക്കിന്‍റെ കോവാക്​സിൻ സ്വീകരിച്ചവർക്ക് ആസ്​ട്രേലിയയിൽ പ്രവേശനാനുമതി. അംഗീകരിച്ച വാക്​സിനുകളുടെ പട്ടികയിൽ ആസ്ട്രേലിയന്‍ സര്‍ക്കാര്‍ കോവാക്സിനും ഉള്‍പ്പെടുത്തി. ബെയ്​ജിങ്ങിലെ സിനോഫാമിന്‍റെ വാക്​സിനും ആസ്​ട്രേലിയൻ ഫാർമ റെഗു​ലേറ്ററായ തെറാപ്യൂട്ടിക്​ ഗുഡ്​സ്​ അഡ്​മിനിസ്​ട്രേഷൻ (ടി.ജി.എ) അംഗീകാരം നൽകി.

കോവാക്​സിൻ സ്വീകരിച്ച, 12 വയസിന്​ മുകളിലുള്ളവര്‍ക്കും ബി.ബി.ഐ.ബി.പി കോർവ്​ സ്വീകരിച്ച 18നും 60നും ഇടയിൽ പ്രായമുള്ളവര്‍ക്കുമാണ് ആസ്ട്രേലിയയിലേക്ക് പ്രവേശനാനുമതി. ആസ്​ട്രേലിയിൽ പഠിക്കുന്ന ഇന്ത്യക്കാരായ വിദ്യാർഥികൾക്കും തൊഴിലാളികൾക്കും ഈ തീരുമാനം ഉപകാരപ്രദമാകും.

അതേസമയം, കോവിഡ്​ വാക്​സിൻ സ്വീകരിക്കാത്തവര്‍ കര്‍ശനമായ​ ക്വാറന്‍റീൻ നിബന്ധനകള്‍ പാലിക്കണം. കോവിഡ്​ നെഗറ്റീവ്​ സർട്ടിഫിക്കറ്റും വേണ്ടിവരും. സെറം ഇൻസ്റ്റിറ്റ്യൂട്ടിന്‍റെ കോവിഷീൽഡ്​ സ്വീകരിച്ചവര്‍ക്ക് കഴിഞ്ഞമാസം ആസ്​ട്രേലിയ യാത്രാനുമതി നല്‍കിയിരുന്നു. ഒമാൻ ഭരണകൂടവും കോവാക്​സിന്​ അനുമതി നൽകിയിരുന്നു. അടിയന്തര ഉപയോഗത്തിനുള്ള അനുമതി നൽകുന്നതിനായി ഭാരത്​ ബയോടെക്കിൽനിന്ന് ലോകാരോഗ്യ സംഘടന കൂടുതല്‍ വിവരങ്ങള്‍ ആവശ്യപ്പെട്ടിട്ടുമുണ്ട്.

TAGS :

Next Story