നിപ നെഗറ്റീവ് സർട്ടിഫിക്കറ്റ് ഹാജരാക്കണം; മലയാളി വിദ്യാര്‍ഥികള്‍ക്ക് പ്രവേശനം നിഷേധിച്ച് ഐ.ജി.എന്‍.ടി.യു സർവകലാശാല

ഭോപ്പാൽ: കേരളത്തിലെ വിദ്യാർഥികളോട് നിപ നെഗറ്റീവ് സർട്ടിഫിക്കറ്റ് ആവശ്യപ്പെട്ട് മധ്യപ്രദേശിലെ ഇന്ദിര ഗാന്ധി നാഷണൽ ട്രൈബൽ സർവകലാശാല. സർവകലാശാലയിൽ നടക്കുന്ന യു.ജി, പി.ജി ഓപ്പൺ കൗൺസിലിംഗിനെത്തിയ വിദ്യാർഥികളോടാണ് സർട്ടിഫിക്കറ്റ് ആവശ്യപ്പെട്ടത്. ക്യാമ്പസിലേക്ക് പ്രവേശിക്കണമെങ്കിൽ മലയാളി വിദ്യാർഥികൾ നിപ നെഗറ്റീവ് സർട്ടിഫിക്കറ്റ് ഹാജരാക്കണമെന്നാണ് നിർദ്ദേശം.