ബക്രീദ് ലോക്ഡൗണ് ഇളവുകളില് കേരളത്തിന് സുപ്രീം കോടതിയുടെ രൂക്ഷ വിമര്ശനം
മഹാമാരിയുടെ ഈ കാലത്ത് സമ്മര്ദത്തിനു വഴങ്ങുന്നത് ദയനീയമായ അവസ്ഥയാണെന്ന് കോടതി പറഞ്ഞു
ബക്രീദിനു മുന്നോടിയായി ലോക്ക്ഡൗണ് നിയന്ത്രണങ്ങളില് മൂന്നു ദിവസം ഇളവു നല്കിയതില് കേരളത്തിന് സുപ്രീം കോടതിയുടെ രൂക്ഷ വിമര്ശനം. കോവിഡ് വ്യാപനം കൂടിയ ഡി വിഭാഗം പ്രദേശങ്ങളിലും ഇളവു നല്കിയ നടപടിയെ ജസ്റ്റിസ് റോഹിങ്ടണ് നരിമാന്റെ നേതൃത്വത്തിലുള്ള ബെഞ്ച് വിമര്ശിച്ചു.മഹാമാരിയുടെ ഈ കാലത്ത് സമ്മര്ദത്തിനു വഴങ്ങുന്നത് ദയനീയമായ അവസ്ഥയാണെന്ന് കോടതി പറഞ്ഞു.
ഡി വിഭാഗത്തില് ഒരു ദിവസം ഇളവു നല്കിയ നടപടി തീര്ത്തും അനാവശ്യമാണെന്ന് കോടതി പറഞ്ഞു. ഇളവുകള് രോഗവ്യാപനത്തിനു കാരണമായാല് നടപടി നേരിടേണ്ടിവരുമെന്ന് കോടതി മുന്നറിയിപ്പുനല്കിയ. യുപിയിലെ കന്വാര് യാത്ര കേസില് സുപ്രീം കോടതി നല്കിയ നിര്ദേശങ്ങള് കേരളത്തിനു ബാധകമാണെന്ന് ബെഞ്ച് ചൂണ്ടിക്കാട്ടി.
രാജ്യം അടിയന്തരാവസ്ഥ നേരിടുമ്പോൾ, ഇളവുകൾ നൽകി സർക്കാർ ആളുകളുടെ ജീവൻ വച്ചു കളിക്കുകയാണെന്ന് ആരോപിച്ച് മലയാളിയും ഡൽഹി വ്യവസായിയുമായ പി.കെ.ഡി.നമ്പ്യാരാണു സുപ്രീം കോടതിയെ സമീപിച്ചത്. ഹർജിയിൽ സംസ്ഥാന സർക്കാർ ഇന്നലെ തന്നെ വിശദീകരണം നൽകാൻ സുപ്രീം കോടതി ആവശ്യപ്പെട്ടിരുന്നു.
Adjust Story Font
16