‘യുഎസ്​ എയ്​ഡ് ഫണ്ട്​​ ഉപയോഗിച്ച് കേന്ദ്ര സർക്കാർ​ ഏഴ്​ പദ്ധതികൾ നടപ്പാക്കുന്നു’; വെളിപ്പെടുത്തലുമായി ധനകാര്യ മന്ത്രാലയം റിപ്പോർട്ട്​

ന്യൂഡൽഹി: യുഎസ്​ എയ്​ഡ്​ ഫണ്ട്​ ഉപ​യോഗിച്ച്​ കേന്ദ്ര സർക്കാർ ഏഴ്​ പദ്ധതികൾ നടപ്പാക്കുന്നുണ്ടെന്നും അവയൊന്നും വോട്ടർമാരുടെ പങ്കാളിത്തം വർധിപ്പിക്കാനുള്ളതല്ലെന്നും കേന്ദ്ര ധനകാര്യ മന്ത്രാലയത്തി​െൻറ 2023-24 വാർഷിക റിപ്പോർട്ട്​. ‘നിലവിൽ 750 മില്യൺ ഡോളർ മൊത്തം ബജറ്റ് വിലമതിക്കുന്ന ഏഴ് പദ്ധതികൾ യുഎസ് എയ്​ഡ്​ ഇന്ത്യൻ സർക്കാരുമായി സഹകരിച്ച് നടപ്പാക്കുന്നുണ്ട്​’ -ധനമന്ത്രാലയത്തിന്റെ 2023-24ലെ വാർഷിക റിപ്പോർട്ട് പറയുന്നു.

തെരഞ്ഞെടുപ്പുകളിൽ വോട്ടർമാരുടെ പങ്കാളിത്തം വർധിപ്പിക്കാനല്ല ഈ ഫണ്ട്​ ഉപയോഗിച്ചിട്ടുള്ളത്​​. മറിച്ച് കൃഷി, ഭക്ഷ്യസുരക്ഷാ പദ്ധതി, വെള്ളം, ശുചിത്വം, പുനരുപയോഗ ഊർജ്ജം, ദുരന്തനിവാരണം, ആരോഗ്യം എന്നിവയുമായി ബന്ധപ്പെട്ട പദ്ധതികൾക്കാണ്​ തുക ചെലവഴിച്ചിട്ടുള്ളത്​.

റിപ്പോർട്ട്​ പുറത്തുവന്നതിന്​ പിന്നാലെ ബി​ജെപിക്കെതിരെ കോൺഗ്രസ്​ രംഗത്തുവന്നു. പ്രധാനമന്ത്രിയുടെയും അദ്ദേഹത്തിന്റെ തന്ത്രശാലിയായ വിദേശകാര്യ മന്ത്രിയുടെയും നുണകൾ കേന്ദ്ര ധനകാര്യ മന്ത്രാലയം ഒഴികെ മറ്റാരും തുറന്നുകാട്ടിയിട്ടില്ലെന്ന് കോൺഗ്രസ് ജനറൽ സെക്രട്ടറി ജയറാം രമേശ് പറഞ്ഞു. ധനകാര്യ മന്ത്രാലയത്തിന്റെ 2023-24 ലെ വാർഷിക റിപ്പോർട്ടിൽ പറഞ്ഞിരിക്കുന്നതുപോലെ, യുഎസ് എയ്​ഡ്​ നിലവിൽ ഇന്ത്യൻ സർക്കാരുമായി സഹകരിച്ച് ഏഴ് പദ്ധതികൾ നടപ്പാക്കുന്നുണ്ട്, ഏകദേശം 750 മില്യൺ ഡോളറിന്റെ സംയുക്ത ബജറ്റാണുള്ളത്​. ഈ പദ്ധതികളിൽ ഒന്നുപോലും വോട്ടർമാരുടെ പങ്കാളിത്തം വർധിപ്പിക്കുന്നതുമായി ബന്ധപ്പെട്ടതല്ല’ -ജയറാം രമേശ് പറഞ്ഞു.

വോട്ടർമാരുടെ പങ്കാളിത്തം വർധിപ്പിക്കാനായി ഇന്ത്യക്കുള്ള 21 മില്യൺ ഡോളർ ധനസഹായം ശതകോടീശ്വരൻ ഇലോൺ മസ്​കി​െൻറ നേതൃത്വത്തിലുള്ള യുഎസ്​ സർക്കാരി​െൻറ എഫിഷ്യൻസി വകുപ്പ്​ നിർത്തലാക്കിയിരുന്നു. ഇതിന്​ പിന്നാലെ ബിജെപിയും കോൺഗ്രസും തമ്മിൽ പരസ്​പരം ഏറ്റുമുട്ടുകയുണ്ടായി. എന്നാൽ, ഇ​ന്ത്യ​യി​ൽ വോ​ട്ട​ർ​മാ​രു​ടെ പ​ങ്കാ​ളി​ത്തം ഉ​യ​ർ​ത്താ​ൻ യു.​എ​സ് ‘എ​യ്ഡി’​ന്റെ 21 ദ​ശ​ല​ക്ഷം ഡോ​ള​ർ (182 കോ​ടി രൂ​പ) പ്ര​ധാ​ന​മ​ന്ത്രി ന​​രേ​ന്ദ്ര മോ​ദി​ക്കാ​ണ് ന​ൽ​കി​യ​തെ​ന്ന്​ അ​മേ​രി​ക്ക​ൻ പ്ര​സി​ഡ​ന്റ് ഡോ​ണ​ൾ​ഡ് ട്രം​പ് പറഞ്ഞതോടെ ബിജെപി പ്രതിരോധത്തിലായിരുന്നു.