സിവിൽ സര്‍വീസ് ഫലം പ്രഖ്യാപിച്ചു; അനുജ് അഗ്നിഹോത്രിക്ക് ഒന്നാം റാങ്ക്, 18-ാം റാങ്ക് മലയാളിക്ക്

ഡൽഹി: യൂണിയൻ പബ്ലിക് സർവീസ് കമ്മീഷൻ (UPSC) 2025-ലെ സിവിൽ സർവീസ് പരീക്ഷാഫലം പ്രസിദ്ധീകരിച്ചു. ദേശീയ തലത്തിൽ അനുജ് അഗ്നിഹോത്രി ഒന്നാം റാങ്ക് കരസ്ഥമാക്കിയപ്പോൾ, രാജേശ്വരി സുവേ രണ്ടാം റാങ്ക് നേടി തിളക്കമാർന്ന വിജയം സ്വന്തമാക്കി.

കേരളത്തിനും അഭിമാനകരമായ നേട്ടമാണ് ഈ വർഷത്തെ ഫലം സമ്മാനിച്ചിരിക്കുന്നത്. മലയാളിയായ ആര്‍. ശ്രുതി 18-ാം റാങ്ക് നേടി .തിരുവനന്തപുരം നാരുവാമൂട് സ്വദേശി ജെ.എസ്. ശ്രീജ 57-ാം റാങ്കും കോഴിക്കോട് സ്വദേശി അജയ് ആർ. രാജ് 109-ാം റാങ്കും നേടി മികച്ച പ്രകടനം കാഴ്ചവെച്ചു. മറ്റൊരു മലയാളിയായ സിദ്ധാർഥ എം. ജോയ് 271-ാം റാങ്കും സ്വന്തമാക്കി.958 ഉദ്യോഗാർത്ഥികൾക്ക് നിയമനമുണ്ടാകും.