പവാറിനെ അദാനിക്കൊപ്പം കാണുമ്പോള്‍ കോണ്‍ഗ്രസ് എന്താണ് മിണ്ടാത്തത്? അസം മുഖ്യമന്ത്രി

ദിസ്പൂര്‍: എന്‍സിപി അധ്യക്ഷന്‍ ശരത് പവാര്‍ വ്യവസായി ഗൗതം അദാനിയുമായി നടത്തിയ കൂടിക്കാഴ്ചയിൽ എന്തുകൊണ്ടാണ് മൗനം പാലിക്കുന്നതെന്ന് ചോദിച്ച് അസം മുഖ്യമന്ത്രി ഹിമന്ത ബിശ്വ ശർമ കോൺഗ്രസ് നേതാവ് രാഹുൽ ഗാന്ധിക്കെതിരെ രംഗത്ത്. ഇനി അദ്ദേഹം ശരത് പവാറിനെതിരെ സംസാരിക്കുമോ? രാഹുൽ ഗാന്ധിയുടെ ഇരട്ടത്താപ്പ് നിങ്ങൾക്ക് വിലയിരുത്താമെന്നും ഹിമന്ത പറഞ്ഞു.

''എന്നെയാണ് അദാനിയുടെ കൂടെ കണ്ടിരുന്നെങ്കില്‍ ഇടത്തും നിന്നും വലത്തും രാഹുല്‍ എന്നെ ആക്രമിച്ചേനെ. എന്നാല്‍ പവാറിനെ അദാനിയുടെ കൂടെ കാണുമ്പോള്‍ എന്താണ് അദ്ദേഹം ഒന്നും സംസാരിക്കാത്തത്.എൻഡിഎ സർക്കാരിലെ ഒരു കേന്ദ്രമന്ത്രി ഇന്ന് അദാനിയുടെ എന്തെങ്കിലും ഉദ്ഘാടനം ചെയ്യാൻ പോകുന്നുവെന്ന് സങ്കൽപിക്കുക.എന്തായിരിക്കും കോൺഗ്രസിന്റെ പ്രതികരണം? ശരദ് പവാറിനെ അദാനിയുടെ കൂടെ ആവർത്തിച്ച് കാണുമ്പോൾ എന്തുകൊണ്ടാണ് കോൺഗ്രസ് മൗനം പാലിക്കുന്നത്?'' ശര്‍മ ചോദിച്ചു.

ഞായറാഴ്ച രാഹുൽ ഗാന്ധിയും ഹിമന്ത ബിശ്വ ശർമ്മയും ഞായറാഴ്ച ഒരു മാധ്യമ കോൺക്ലേവിൽ പങ്കെടുത്തിരുന്നു. "ദാരിദ്ര്യത്തെക്കുറിച്ച് സംസാരിക്കേണ്ട ഒരു വേദിയിൽ പണത്തെയും ബിസിനസുകാരനെയും കുറിച്ച് രാഹുല്‍ സംസാരിക്കുന്നു. അദ്ദേഹം എത്ര നിരാശനാണെന്ന് നിങ്ങൾക്ക് ഊഹിക്കാവുന്നതേയുള്ളൂ," ഹിമന്ത ബിശ്വ ശർമ്മ പറഞ്ഞു.

"ബി.ജെ.പി അടിസ്ഥാനപരമായി ഒരു സൗഹൃദ കുത്തകയെ സൃഷ്ടിച്ചു. അദ്ദേഹത്തിന്‍റെ പേര് മിസ്റ്റർ അദാനി എന്നാണ്. നിങ്ങൾ ആ പേര് കേട്ടിട്ടുണ്ടെന്ന് ഞാൻ കരുതുന്നു.നമ്മുടെ രാജ്യത്തെ പ്രധാന വ്യവസായങ്ങൾ ബിജെപി ഈ മാന്യനെ ഏൽപ്പിക്കുകയാണ്.കൂടാതെ രാജ്യത്തെ മാധ്യമങ്ങളുടെ ഒരു പ്രധാന ഭാഗവും അദ്ദേഹം നിയന്ത്രിക്കുന്നു.ഏതെങ്കിലും വ്യവസായി എതിർകക്ഷിയെ പിന്തുണച്ചാൽ, ഏതെങ്കിലും പ്രതിപക്ഷ പാർട്ടിക്ക് ചെക്ക് എഴുതുകയാണെങ്കിൽ അവർക്ക് എന്ത് സംഭവിക്കുമെന്ന് ദയവായി പോയി ചോദിക്കൂ?അതുകൊണ്ട് ഞങ്ങൾ സാമ്പത്തിക ആക്രമണവും മാധ്യമ ആക്രമണവും നേരിടുകയാണ്. ഞങ്ങൾ വളരെ നന്നായി ചെയ്യുന്നു. ഞങ്ങൾ ഒത്തുചേർന്നു. പ്രതിപക്ഷം ഇതുപോലെ പ്രവർത്തിക്കുന്നത് ഞാൻ മുമ്പ് കണ്ടിട്ടില്ല.'' എന്നാണ് രാഹുല്‍ ഗാന്ധി പറഞ്ഞത്.

അദാനി ഗ്രൂപ്പിനെതിരായ സാമ്പത്തിക ക്രമക്കേടുകളുടെ പേരിൽ ബി.ജെ.പിയെ ലക്ഷ്യമിട്ട പ്രതിപക്ഷ സഖ്യത്തിലെ അംഗമാണ് പവാറിന്‍റെ എൻസിപി.ശനിയാഴ്ച പവാർ അഹമ്മദാബാദിലെ അദാനിയുടെ ഓഫീസും വസതിയും സന്ദർശിച്ചിരുന്നു. ഈ വർഷം ഏപ്രിലിൽ ഗൗതം അദാനി ദക്ഷിണ മുംബൈയിലെ പവാറിന്‍റെ വസതിയായ സിൽവർ ഓക്കും സന്ദർശിച്ചിരുന്നു.