പള്ളിയിലെ കുടിവെള്ളം പാഴാക്കുന്നത് ചോദ്യം ചെയ്തു; 65കാരന് ക്രൂരമർദനം

കൊച്ചി: എറണാകുളം കാക്കനാട് പള്ളിയിലെ വാട്ടർ കൂളറിൽ നിന്ന് കുടിവെള്ളം പാഴാക്കുന്നത് ചോദ്യം ചെയ്ത 65കാരന് ക്രൂരമർദനം. ചിറ്റേത്തുകര നൂർ മസ്ജിദ് രക്ഷാധികാരി കെ.എം ഹസൈനാർക്കാണ് മർദനമേറ്റത്. പ്രതി കങ്ങരപ്പടി സ്വദേശി ഫൈറൂസിനെ തൃക്കാക്കര പൊലീസ് പിടികൂടി.

വെള്ളിയാഴ്ച വൈകിട്ടായിരുന്നു സംഭവം. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു. മർദനത്തിന്റെ സിസിടിവി ദൃശ്യങ്ങൾ പുറത്തുവന്നു.