ഉദ്ഘാടനദിവസം പിറവത്തെ ആശിർവാദ് സിനിമ കോംപ്ലക്സിൽ തീപിടിത്തം; ഷോകൾ നിര്‍ത്തിവച്ചു

കൊച്ചി: എറണാകുളം പിറവത്ത് ഇന്ന് പ്രവർത്തനമാരംഭിച്ച ആശിർവാദ് സിനിമാ കോംപ്ലക്സിൽ തീപിടിത്തം. പ്രദർശനം നടക്കവേ രാവിലെ പതിനൊന്നോടെയാണ് തീപിടിത്തം ഉണ്ടായത്. ആളുകൾ ഇറങ്ങിയോടിയതോടെ പ്രദർശനം നിർത്തിവെച്ചു. ഷോർട്ട് സർക്യൂട്ടാണ് അഗ്നിബാധയ്ക്ക് കാരണമായതെന്നാണ് പ്രാഥമിക നിഗമനം.

വാഴ 2 പ്രദര്‍ശനത്തിനിടെയാണ് സംഭവം. തിയറ്ററിൽ നിന്നും പുക ഉയരുന്നത് കണ്ട കാണികൾ പുറത്തേക്കിറങ്ങി ഓടി. ഇതോടെ കോംപ്ലക്‌സിനുള്ളിലെ എല്ലാ തിയറ്ററുകളുടെയും പ്രവർത്തനം നിർത്തിവയ്‌ക്കുകയായിരുന്നു.