45, 24, 34,...എംഎൽഎമാരുടെ പിന്തുണയിൽ അവകാശവാദവുമായി മൂന്ന് പക്ഷവും; ആദ്യഘട്ട നടപടിക്രമങ്ങൾ പൂർത്തിയായതായി അജയ് മാക്കൻ

തിരുവനന്തപുരം: മുഖ്യമന്ത്രി സ്ഥാനത്തേക്കുള്ള എംഎൽഎമാരുടെ പിന്തുണയിൽ അവകാശവാദവുമായി മൂന്ന് പക്ഷവും. 45 എംഎൽഎമാരുടെ പിന്തുണയുണ്ടെന്ന് കെ.സി വേണുഗോപാൽ വിഭാഗം അവകാശപ്പെടുന്നു. 24 പേരുടെ പിന്തുണ യുണ്ടെന്നാണ് രമേശ് ചെന്നിത്തല അനുകൂലികൾ പറയുന്നത്. 34 എംഎൽഎമാർ പിന്തുണച്ചെന്ന് വി.ഡി സതീശൻ വിഭാഗത്തിന്റെ അവകാശവാദം. കോൺഗ്രസ് മുഖ്യമന്ത്രി ആരെന്നതിൽ തീരുമാനം ഞായറാഴ്ചയുണ്ടാകും.

ആദ്യഘട്ട നടപടിക്രമങ്ങൾ പൂർത്തിയായതായും എംഎൽഎമാർ ആരെ പിന്തുണച്ചു എന്ന് പരസ്യമായി പറയാൻ ആകില്ലെന്നും അജയ് മാക്കൻ പറഞ്ഞു. എംഎൽഎമാരുടെ അഭിപ്രായം ഹൈക്കമാന്റിനെ അറിയിക്കുമെന്നും അദ്ദേഹം പറഞ്ഞു.