രാജീവ് ചന്ദ്രശേഖറിന്റെ പിതാവ് എം.കെ ചന്ദ്രശേഖര് അന്തരിച്ചു
ബെംഗളൂരുവിലെ ആശുപത്രിയില് ചികിത്സയില് ആയിരുന്നു
ബെംഗളൂരു: ബിജെപി സംസ്ഥാന അധ്യക്ഷനും മുന് കേന്ദ്രമന്ത്രിയുമായ രാജീവ് ചന്ദ്രശേഖറിന്റെ പിതാവ് എം.കെ. ചന്ദ്രശേഖര് (92) അന്തരിച്ചു. ബെംഗളൂരുവിലെ ആശുപത്രിയില് ചികിത്സയില് ആയിരുന്നു. 1954 ല് ഇന്ത്യന് വ്യോമസേനയില് പ്രവേശിച്ച ചന്ദ്രശേഖര് എയര് കമ്മഡോറായി 1986ല് വിരമിച്ചു. വ്യോമസേനയില് 11,000 മണിക്കൂറിലധികം വിമാനം പറപ്പിച്ച വൈമാനികനാണ് അദ്ദേഹം.
വിശിഷ്ട സേവാ മെഡല് അടക്കം നിരവധി ബഹുമതികള് ലഭിച്ചിട്ടുണ്ട്. രാജേഷ് പൈലറ്റ് അടക്കമുള്ള പ്രമുഖരുടെ പരിശീലകനുമായിരുന്നു. തൃശൂര് ദേശമംഗലം സ്വദേശിയാണ്. ആനന്ദവല്ലിയാണ് ഭാര്യ. മകള്: ഡോ. ദയ മേനോന് (യുഎസ്എ) മരുമക്കള്: അഞ്ജു ചന്ദ്രശേഖര്, അനില് മേനോന് (യുഎസ്എ). സംസ്കാരം പിന്നീട്.
Next Story
Adjust Story Font
16