Quantcast

താലിബാനികളെ ഭയമില്ലെന്ന് സിപിഎം പ്രതിനിധി; അത്തരം ചാപ്പയടി എകെജി സെന്ററിൽ വെച്ചാൽ മതിയെന്ന് അവതാരകൻ

മീഡിയവൺ സ്പെഷ്യൽ എഡിഷൻ ചർച്ചയിലായിരുന്നു സിപിഎം സംസ്ഥാന കമ്മിറ്റി അം​ഗമായ കെ.അനിൽകുമാറിന്റെ താലിബാനി പരാമർശം

MediaOne Logo

Web Desk

  • Updated:

    2025-10-24 16:16:50.0

Published:

24 Oct 2025 9:25 PM IST

താലിബാനികളെ ഭയമില്ലെന്ന് സിപിഎം പ്രതിനിധി; അത്തരം ചാപ്പയടി എകെജി സെന്ററിൽ വെച്ചാൽ മതിയെന്ന് അവതാരകൻ
X

കോഴിക്കോട്: പിഎം ശ്രീ പദ്ധതിയിൽ ഒപ്പിട്ടതുമായി ബന്ധപ്പെട്ട ചർച്ചക്കിടെ താലിബാനി പരാമർശവുമായി സിപിഎം പ്രതിനിധി. പാർട്ടി നേതാക്കളെ അപമാനിക്കുന്നത് താലിബാനികളുടെ സ്ഥിരം തൊഴിലാണ് എന്നായിരുന്നു മീഡിയവൺ 'സ്‌പെഷ്യൽ എഡിഷൻ' ചർച്ചയിൽ സിപിഎം സംസ്ഥാന കമ്മിറ്റി അംഗമായ കെ.അനിൽകുമാറിന്റെ പരാമർശം. പിഎം ശ്രീയിൽ ഒപ്പിട്ടത് സിപിഎം ജനറൽ സെക്രട്ടറി എം.എ ബേബി പോലും അറിഞ്ഞിട്ടില്ല എന്ന അവതാരകന്റെ പരാമർശമാണ് അനിൽകുമാറിനെ പ്രകോപിപ്പിച്ചത്.

താലിബാൻ ചാപ്പയൊക്കെ എകെജി സെന്ററിൽ വെച്ചാൽ മതിയെന്നായിരുന്നു അവതാരകനായ അജിംസിന്റെ മറുപടി. താലിബാൻ വിദേശകാര്യ മന്ത്രിയുമായി ചർച്ച നടത്തിയ മോദിയെയോ എസ്.ജയശങ്കറിനെയോ താലിബാനിയെന്ന് വിളിക്കുമോയെന്ന ചോദ്യത്തിന് നിങ്ങൾ താലിബാനെ തള്ളിപ്പറയുമോ എന്നായിരുന്നു അനിൽകുമാറിന്റെ ചോദ്യം. താലിബാൻ പരാമർശം പിൻവലിക്കാൻ അദ്ദേഹം തയ്യാറായില്ല.

TAGS :

Next Story