തൃശൂര്‍ മേയർ സ്ഥാനത്തേക്ക് ഡോ. നിജി ജസ്റ്റിന് മുൻതൂക്കം

തൃശൂര്‍: തൃശൂരിൽ മേയർ സ്ഥാനത്തേയ്ക്ക് ഡോ. നിജി ജസ്റ്റിന് മുൻതൂക്കം. ലാലി ജെയിംസ് ,സുബി ബാബു എന്നിവരും പരിഗണനയിലുണ്ട്. മുതിർന്ന നേതാക്കളുൾപ്പെടെയുള്ള നേതാക്കളുടെ പിന്തുണ നിജിയ്ക്കാണ്.

ലാലി ജെയിംസിന് ടേം വ്യവസ്ഥയിൽ മേയർ പദവി നൽകാനും ശ്രമം നടക്കുന്നുണ്ട്. എ. പ്രസാദ് ഡെപ്യൂട്ടി മേയർ ആയേക്കും. കിഴക്കുംപാട്ടുക്കര ഡിവിഷനിൽ നിന്ന് ജയിച്ചുവന്ന തൃശൂരിലെ പ്രമുഖ ഗൈനക്കോളജിസ്റ്റാണ് നിജി. നാലാം തവണയും ജയിച്ച് കോർപറേഷനിൽ എത്തിയ ലാലി ജെയിംസാണ് മറ്റൊരു വനിത. മുൻ ഡപ്യൂട്ടി മേയറായിരുന്ന സുബി ബാബുവാണ് മറ്റൊരു വനിത.

ഔദ്യോഗികമായി പേരുവിവരങ്ങൾ ഡി.സി.സി. പ്രസിഡൻ്റ് ജോസഫ് ടാജറ്റ് പ്രഖ്യാപിച്ചില്ല. മുതിർന്ന കോൺഗ്രസ് നേതാക്കളുമായി ചർച്ചകൾ തുടരുകയാണ്.