കെ.എൻ.എ ഖാദറിന്റെ പേരിൽ വ്യാജ ഓഡിയോ; കള്ളപ്രചാരണം നടത്തുന്നവരെ ശക്തമായി നേരിടും: പി.എം.എ സലാം

മലപ്പുറം: കെ.എൻ.എ ഖാദറിന്റെ പേരിൽ വ്യാജ ഓഡിയോ പ്രചരിപ്പിക്കുന്നവരെ ശക്തമായി നേരിടുമെന്ന് മുസ്‌ലിം ലീഗ് സംസ്ഥാന ജനറൽ സെക്രട്ടറി പി.എം.എ സലാം. 2021ലാണ് ആദ്യമായി ഈ ഓഡിയോ സന്ദേശം പ്രചരിച്ചത്. അന്ന് കെ.എൻ.എ ഖാദർ പരാതി നൽകുകയും പെരുമ്പാവൂർ സ്വദേശിയാണ് ഈ ഓഡിയോ സന്ദേശത്തിന് പിന്നിലെന്ന് കണ്ടെത്തുകയും ചെയ്തിരുന്നു.

ഇത് കെ.എൻ.എ ഖാദറിന്റെ ശബ്ദമാണെന്ന് താൻ എവിടെയും പറഞ്ഞിട്ടില്ലെന്നും തന്റെ സ്വന്തം ശബ്ദമാണെന്നുമാണ് ആ വ്യക്തി പറഞ്ഞത്. ഇപ്പോൾ അതേ ഓഡിയോ ചില ചാനലുകൾ കെ.എൻ.എ ഖാദറിന്റേത് എന്ന രീതിയിൽ പ്രചരിപ്പിക്കുന്നുണ്ട്. അദ്ദേഹത്തിന് പാർട്ടി എല്ലാ പിന്തുണയും നൽകുമെന്നും ഇത്തരം പ്രചാരണങ്ങളെ ശക്തമായി നേരിടുമെന്നും പി.എം.എ സലാം പറഞ്ഞു.