ഇ.പിക്കെതിരായ സാമ്പത്തികാരോപണം സി.പി.എമ്മിന്റെ ആഭ്യന്തര കാര്യം; ഇടപെടില്ലെന്ന് കുഞ്ഞാലിക്കുട്ടി

മലപ്പുറം: ഇ.പി ജയരാജനെതിരെ പി. ജയരാജൻ ഉന്നയിച്ച സാമ്പത്തികാരോപണം സി.പി.എമ്മിന്റെ ആഭ്യന്തര കാര്യമാണെന്ന് മുസ്‌ലിം ലീഗ് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി. അതിൽ ഇടപെടില്ലെന്നും അദ്ദേഹം വ്യക്തമാക്കി.

'അത് അവർ കൈകാര്യം ചെയ്യട്ടെ, അതാണ് അതിന്റെ ശരി. നമ്മൾ പറയേണ്ട കാര്യമില്ല. ഒരു പാർട്ടിയുടെയും ആഭ്യന്തര കാര്യങ്ങളിൽ ഇടപെടുന്ന പതിവ് ലീഗിനില്ല'-കുഞ്ഞാലിക്കുട്ടി പറഞ്ഞു.

കണ്ണൂരിലെ ആയുർവേദ റിസോർട്ടിന്റെ മറവിൽ ഇ.പി ജയരാജൻ അനധികൃതമായി സ്വത്ത് സമ്പാദിച്ചെന്നായിരുന്നു മുൻ കണ്ണൂർ ജില്ലാ സെക്രട്ടറിയായ പി.ജയരാജൻ പാർട്ടി സംസ്ഥാന കമ്മിറ്റി യോഗത്തിൽ ആരോപിച്ചത്.