തിരുവനന്തപുരത്ത് പി.ആർ.എസ് ആശുപത്രിക്ക് സമീപം വൻ തീപിടിത്തം; വീടുകളിലേക്ക് തീപടര്‍ന്നു

തിരുവനന്തപുരത്ത് വൻ തീപിടിത്തം. പി.ആർ.എസ് ആശുപത്രിക്ക് സമീപമാണ് തീപിടിത്തം. ആക്രിക്കടയിലെ ഗോഡൌണിലാണ് തീപിടിത്തമുണ്ടായത്.

ആശുപത്രിക്ക് 50 മീറ്റര്‍ മാത്രം അകലെയാണ് തീപിടിത്തമുണ്ടായത്. ആശുപത്രി സുരക്ഷിതമാണ്. പക്ഷേ സമീപം നിരവധി വീടുകളുണ്ട്. ഈ വീടുകളിലേക്ക് തീ ആളിപ്പടര്‍ന്നു. ആളുകളെ വീടുകളില്‍ നിന്ന് ഉടന്‍ മാറ്റിയതിനാല്‍ ആളപായമില്ല.

ഫയര്‍ഫോഴ്സ് യൂണിറ്റ് സ്ഥലത്തെത്തി തീ അണയ്ക്കാന്‍ ശ്രമിക്കുകയാണ്. ഒരു പൊട്ടിത്തെറി ശബ്ദം കേട്ടെന്ന് നാട്ടുകാര്‍ പറയുന്നു. തീപിടിത്തത്തിന് കാരണം എന്താണെന്ന് വ്യക്തമല്ല.