കഴക്കൂട്ടത്ത് എതിരാളി ബിജെപി, ശബരിമല വിവാദം ഇനി ഏശില്ല: കടകംപള്ളി സുരേന്ദ്രൻ

തിരുവനന്തപുരം: കഴക്കൂട്ടത്ത് പ്രധാന എതിരാളി ബിജെപിയെന്ന് എല്‍ഡിഎഫ് സ്ഥാനാർഥി കടകംപള്ളി സുരേന്ദ്രൻ. കഴക്കൂട്ടത്തെ ജനങ്ങൾക്ക് മുന്നിൽ ശബരിമല പറഞ്ഞാൽ ഏശില്ല. താൻ വിശ്വാസി സമൂഹത്തിന് ഒപ്പമാണെന്നും കടകംപള്ളി സുരേന്ദ്രൻ പറഞ്ഞു.

കഴക്കൂട്ടത്തെ ജനങ്ങൾക്കിടയിൽ ഇനി ശബരിമല വിഷയം ഉന്നയിച്ചിട്ട് കാര്യമില്ലെന്നും, അത് തെരഞ്ഞെടുപ്പ് കാലത്ത് വോട്ട് തട്ടാനുള്ള രാഷ്ട്രീയ തന്ത്രം മാത്രമാണെന്ന് ജനങ്ങൾക്ക് ബോധ്യമുണ്ടെന്നും അദ്ദേഹം പറഞ്ഞു.

താൻ എപ്പോഴും വിശ്വാസി സമൂഹത്തിനൊപ്പമാണ്. ജാതിമത ഭേദമന്യേ വിശ്വാസികൾക്ക് ഇത്രയേറെ പിന്തുണ നൽകിയ മറ്റൊരു ദേവസ്വം-ടൂറിസം മന്ത്രി ഉണ്ടാകില്ലെന്നും കടകംപള്ളി കൂട്ടിച്ചേർത്തു. മീഡിയവണിനോട് സംസാരിക്കുകയായിരുന്നു അദ്ദേഹം.

Watch Video