സമൂഹ മാധ്യമങ്ങളിലൂടെ വ്യാജ പ്രചാരണം; മുസ് ലിം ലീ​ഗ് നേതാവ് കെ.പി.എ മജീദ് പരാതി നൽകി

കോഴിക്കോട്: സമൂഹമാധ്യമങ്ങളിലൂടെ വ്യാജ പ്രചരണം നടത്തിയതിൽ പരാതി നൽകി കെ.പി.എ മജീദ് എംഎൽഎ. സമൂഹത്തിൽ ആശയക്കുഴപ്പവും തെറ്റിദ്ധാരണയുമുണ്ടാക്കുന്ന രീതിയിൽ വ്യാജ പ്രചാരണങ്ങൾ സൃഷ്ടിക്കുന്നവർക്കെതിരെ നടപടി വേണമെന്നാണ് ആവശ്യം.

തന്റെ ഫോട്ടോ വെച്ച് എഐ ടൂളുകൾ ഉപയോഗിച്ച് പോസ്റ്റുകൾ നിർമിക്കുന്നവർക്കെതിരെ നടപടി വേണം. വ്യാജപ്രചാരണം നടത്തുന്ന ഐഡികൾ കണ്ടെത്തി കർശന നടപടികൾ സ്വീകരിക്കണം. വ്യാജപ്രചാരണങ്ങൾ ആവർത്തിക്കാതിരിക്കാൻ മുൻകരുതൽ സ്വീകരിക്കണമെന്നും പരാതിയിൽ ആവശ്യപ്പെട്ടിട്ടുണ്ട്. കേരള സ്‌റ്റേറ്റ് ഇലക്ടറൽ ഓഫീസർ, മലപ്പുറം ജില്ലാ പൊലീസ് മേധാവി എന്നിവർക്കാണ് പരാതി നൽകിയത്.