സ്വർണക്കൊള്ള സഭയിൽ; ശക്തമായി പ്രതിഷേധിക്കാൻ പ്രതിപക്ഷം

തിരുവനന്തപുരം: ശബരിമല സ്വർണക്കൊള്ളയിൽ നിയമസഭയിൽ ശക്തമായി പ്രതിഷേധിക്കാൻ പ്രതിപക്ഷം. സഭാ സമ്മേളനത്തിന്റെ തുടക്കം മുതൽ പ്രതിഷേധം സംഘടിപ്പിക്കും. അടിയന്തര പ്രമേയത്തിന് പ്രതിപക്ഷം നോട്ടീസ് നൽകിയില്ല. നയപ്രഖ്യാപനത്തിൻ മേലുള്ള നന്ദി പ്രമേയ ചർച്ചക്കും ഇന്ന് തുടക്കമാകും.

27, 28 തീയതികളിൽ ആണ് ബാക്കി ചർച്ച നടക്കുന്നത്. എൽഡിഎഫ് കൺവീനർ ടി.പി.രാമകൃഷ്ണനാണ് ചർച്ചയ്ക്ക് തുടക്കമിടുക. മന്ത്രിസഭ അംഗീകരിച്ച നയപ്രഖ്യാപന പ്രസംഗത്തിൽ വെട്ടിത്തിരുത്തൽ വരുത്തിയ ഗവർണറുടെ നടപടിക്കെതിരെ ഭരണപക്ഷ അംഗങ്ങൾ പ്രസംഗങ്ങളിൽ വിമർശന സ്വഭാവത്തിൽ ഉന്നയിക്കും.

ഇന്ന് ചോദ്യോത്തരവേള ഉണ്ടാകില്ല. അതുകൊണ്ട് രാവിലെ ഒമ്പത് മണി മുതൽ ശൂന്യവേളയിലേക്ക് കടക്കും. പത്തുമണിക്കാണ് അടിയന്തര പ്രമേയ നോട്ടീസ് പരിഗണിക്കുന്നത്. ശബരിമലയിലെ സ്വർണപ്പാളി വിവാദം, സജി ചെറിയാന്റെ വിദ്വേഷ പ്രസംഗം എന്നിവയിലൊന്ന് അടിയന്തരപ്രമേയമായി പ്രതിപക്ഷം ആവതരിപ്പിക്കുമെന്ന് സൂചനയുണ്ടായിരുന്നു.