ക്ലാസിൽ സംസാരിച്ചതിന് അധ്യാപകൻ വിദ്യാർഥിയെ മർദിച്ചതായി പരാതി

പാലക്കാട്: ക്ലാസിൽ സംസാരിച്ചതിന് അധ്യാപകൻ വിദ്യാർഥിയെ മർദിച്ചതായി പരാതി. പാലക്കാട് തൃക്കടീരി പിടിഎം ഹയർ സെക്കൻഡറി സ്കൂളിലെ 9 -ാം ക്ലാസ് വിദ്യാർഥിയെയാണ് അധ്യാപകൻ മർദിച്ചത്. ഹിന്ദി അധ്യാപകനായ നൗഷാദിനെതിരെയാണ് പരാതി. മുഖത്ത് അടിച്ചുവെന്ന് ഒൻപതാം ക്ലാസ് വിദ്യാർഥി പറഞ്ഞു. പരിക്കേറ്റ വിദ്യാർഥിയെ ആശുപത്രിയിൽ പ്രവേശിപ്പിച്ചു. മുൻപും സമാനമായ അനുഭവം നേരിടേണ്ടി വന്നിട്ടുണ്ട് എന്ന് വിദ്യാർത്ഥി പറഞ്ഞു.