'200 പവൻ സ്ത്രീധനമായി വാങ്ങി, മാനസിക പീഡനവും അവഗണനയും'; തിരുവനന്തപുരത്തെ അമ്മയുടെയും മകളുടെയും മരണത്തിൽ ആത്മഹത്യ കുറിപ്പ് കണ്ടെത്തി

തിരുവനന്തപുരം: തിരുവനന്തപുരം കമലേശ്വരത്തെ അമ്മയുടെയും മകളുടെയും മരണത്തിൽ ആത്മഹത്യ കുറിപ്പ് കണ്ടെത്തി. കുറിപ്പിൽ മകൾ ​ഗ്രീമയുടെ ഭർത്താവിനെതിരെ പരാമർശം. 200 പവൻ സ്ത്രീധനമായി വാങ്ങി. ആറ് വർഷം മാനസിക പീഡനവും അവ​ഗണനയും നേരിട്ടുവെന്നും കത്തിൽ.

സൈനൈഡ് എങ്ങനെ ലഭിച്ചുവെന്നതിൽ ദുരൂഹത തുടരുകയാണ്. കമലേശ്വരം ശാന്തിഗാർഡൻസിൽ സജിത, മകൾ ഗ്രീമ, എസ്. രാജ് എന്നിവരാണ് ജീവനൊടുക്കിയത്. തിരുവനന്തപുരം പൂന്തുറ കമലേശ്വരത്തെ വീട്ടിനുള്ളിലാണ് മരിച്ച നിലയിൽ കണ്ടെത്തിയത്. ഇതേതുടർന്ന് ഗ്രീമയുടെ ഭർത്താവ് ഉണ്ണികൃഷ്ണനെ പൊലീസ് കസ്റ്റഡിയിലെടുത്തു.