സർക്കാർ സ്കൂളുകളിലെ പ്രീ പ്രൈമറി ടീച്ചർമാരുടെയും ആയമാരുടെയും ഓണറേറിയം വർധിപ്പിക്കണം; ഹൈക്കോടതി

എറണാകുളം: സംസ്ഥാനത്തെ സർക്കാർ സ്കൂളുകളിലെ പ്രീ പ്രൈമറി ടീച്ചർമാരുടെയും ആയമാരുടെയും ഓണറേറിയം വർധിപ്പിക്കണമെന്ന് ഹൈക്കോടതി. പിടിഎ നടത്തുന്ന പ്രീ പ്രൈമറി സ്കൂളുകളിലെ ടീച്ചർമാരുടെ ഓണറേറിയമാണ് വർധിപ്പിക്കേണ്ടത്. പ്രീപ്രൈമറി ടീച്ചർമാർക്ക് 27,500 രൂപയും ആയമാർക്ക് 22,500 രൂപയും പ്രതിമാസം നൽകണം. ഈ വർഷം മാർച്ച് മുതൽ പുതുക്കിയ ഹോണറേറിയം നൽകണം. 2012 ഓഗസ്റ്റ് ഒന്ന് മുതലുള്ള കുടിശിക ആറു മാസത്തിനുള്ളിൽ നൽകണമെന്നും ഹൈക്കോടതി ഉത്തരവിറക്കി.